வால்பாறையில் கொட்டி தீர்த்த கனமழை - மக்களின் இயல்பு வாழக்கை பாதிப்பு!

கோவை: வால்பாறையில் சுற்று வட்டார எஸ்டேட் பகுதிகளில் கன மழை பெய்து வருவதால், மக்களின் இயல்பு வாழக்கை பாதிக்கப்பட்டுள்ளது.

கோவை மாவட்டம் வால்பாறை பகுதியில் கன மழை பெய்து வருகிறது. இந்த மழையால் தேயிலைத் தோட்டத் தொழிலாளர்கள் மற்றும் பொது மக்களின் இயல்பு வாழ்க்கை பாதிக்கப்பட்டுள்ளது.

வால்பாறை, காஞ்சமலை, வெள்ளைமலை, அக்கமலை, பச்சமலை, உருளிகள், சின்னக்கல்லார் போன்ற எஸ்டேட் பகுதிகளில் கன மழை பெய்து வருகிறது.

இன்று வாரச் சந்தை நாள் என்பதால் பொது மக்கள் கொட்டும் மழையில் காய்கறி பொருட்களை வாங்கி சென்றனர். மழையால் ஆறுகளில் வெள்ளப்பெருக்கு ஏற்பட்டு உள்ளது.



வால்பாறை சோலையார் அணை நிலவரம் மற்றும் மழை அளவுகள்:-

சோலையார் அணை

நீர்மட்டம்: 165 க்கு 163 - அடியாக உயர்ந்துள்ளது.

நீர்இருப்பு: 5.59 டி.எம்.சியாக உள்ளது.

நீர் வரத்து: வினாடிக்கு 6622-கன அடியாக உள்ளது.

வெளியேற்றம்: வினாடிக்கு 6655 - கன அடி தண்ணீர் வெளியேற்றப்பட்டு வருகிறது.

வால்பாறை மற்றும் அதன் சுற்று வட்டார பகுதிகளில் பெய்த மழை அளவு

வால்பாறை: 29 மில்லி மீட்டர்

சோலையார் அணை: 93 மீல்லி மீட்டர்

சின்னக்கல்லார்: 68 மீல்லி மீட்டர்

நீரார் அணை: 73 மீல்லி மீட்டர் மழையும் பதிவானது.