கவுண்டம்பாளையம் தொகுதி திமுக வேட்பாளர் பையா (எ) ஆர்.கிருஷ்ணன் இறுதிக்கட்ட பரப்புரை!

கோவை; கவுண்டம்பாளையம் தொகுதி திமுக வேட்பாளர் பையா (எ) ஆர்.கிருஷ்ணன் இறுதிக்கட்ட பரப்புரையில் ஈடுபட்டார்.



கோவை மாவட்டம், கவுண்டம்பாளையம் தொகுதியில் போட்டியிடும் திமுக வேட்பாளர் பையா (எ) ஆர்.கிருஷ்ணன் பரப்புரையின் இறுதி நாளான இன்று காளப்பட்டி பகுதி 36 வது, 33 வது மற்றும் 35 வது வார்டு பகுதிகளில் தீவிர வாக்கு சேகரிப்பில் ஈடுபட்டார்.



32 வதுவார்டுக்கு உட்பட்ட, பூங்கா நகர், பிருந்தாவன் நகர், சௌபாக்கியா நகர், அழகு நகர், விமான நிலையம் மற்றும் 33 வது வார்டுக்கு உட்பட்ட, காளப்பட்டி, சிவா நகர், அசோக் நகர் மற்றும் 35 வது வார்டுக்கு உட்பட்ட, அத்திக்குட்டை, பி.எல்.எஸ் நகர், லட்சுமி நகர், கள்ளிமேடு ஆகிய இடங்களில் தீவிர பரப்புரை மேற்கொண்ட அவர், இறுதியாக ஆர்.ஜி.புதூரில் தனது பரப்புரையை நிறைவு செய்தார்.



இந்த பரப்புரையில் ம.தி.மு.க மாவட்டச் செயலாளர் ஆர்.ஆர்.மோகன்குமார், மதச்சார்பற்ற முற்போக்கு கூட்டணியின் கவுண்டம்பாளையம் சட்டமன்ற தொகுதி பொறுப்பாளர்கள் டி.பி.சுப்பிரமணியம் (தி.மு.க), சி.வி.தங்கவேலு (ம.தி.மு.க) மற்றும் சி.பி.எம் கட்சியின் கனகராஜ், சி.பி.ஐ கட்சியின் சு.பா, கே.சி.மூர்த்தி உள்ளிட்டோர் பங்கேற்றனர்.