பொள்ளாச்சியில் வாக்கு இயந்திரங்களில் சின்னங்கள் பொருத்தும் பணிகள் தீவிரம்!

கோவை: பொள்ளாச்சியில் வாக்கு இயந்திரங்களில் சின்னங்கள் பொருத்தும் பணிகள் தீவிரமாக நடைபெற்று வருகிறது.

பொள்ளாச்சி சட்டமன்ற தொகுதியில் 318 வாக்குச்சாவடி மையங்கள் அமைக்கப்பட்டு உள்ளது. வாக்குச்சாவடிகளுக்கு தேவையான மின்னணு இயந்திரங்கள் மற்றும் V V பேட் கருவிகள் பாலக்காடு சாலையில் உள்ள தனியார் கல்லூரியில் பாதுகாப்புடன் வைக்கப்பட்டுள்ளது.



இந்த நிலையில், இன்று வாக்கு இயந்திரங்கள் வைக்கப்பட்ட அறை அரசியல் கட்சி முகவர்கள் முன்னிலையில் திறக்கப்பட்டு, வாக்கு இயந்திரங்களில் அரசியல் கட்சிகளின் சின்னங்கள் மற்றும் வேட்பாளர்களின் பெயர் பொருத்தும் பணி நடைபெற்று வருகிறது.

தேர்தல் நடத்தும் அலுவலர் வைத்தியநாதன் முன்னிலையில் நடைபெறும் இப்பணியினை பொள்ளாச்சி சட்டமன்ற தொகுதி வேட்பாளர் துணை சபாநாயகர் பொள்ளாச்சி ஜெயராமன் மின்னணு இயந்திரத்தில் மாதிரி வாக்கு பதிவு செய்தார். தொடர்ந்து திமுக கட்சி பிரதிநிதிகள் மாதிரி வாக்களித்தனர்.