போத்தனூர் பகுதியில் கிணத்துக்கடவு அ.தி.மு.க. வேட்பாளர் செ.தாமோதரன் தீவிர வாக்கு சேகரிப்பு!

கோவை: போத்தனூர் பகுதியில் கிணத்துக்கடவு அ.தி.மு.க. வேட்பாளர் செ.தாமோதரன் தீவிரமாக வாக்கு சேகரிக்கும் பணியில் ஈடுபட்டார்.

கிணத்துக்கடவு தொகுதியில் அ.தி.மு.க. சார்பில் முன்னாள் அமைச்சர் செ.தாமோதரன் போட்டியிடுகிறார். அ.தி.மு.க. சார்பில் போட்டியிடும் செ. தாமோதரன் கிணத்துக்கடவு தொகுதி பகுதிளில் கூட்டணி கட்சி நிர்வாகிகளுடன் சென்று தீவிரமாக வாக்கு சேகரித்து வருகிறார்.

இதன் ஒரு பகுதியாக இன்று போத்தனூர் பகுதியில் உள்ள கணேசபுரம், முத்துநகர் குறிச்சி கோண வாய்க்கால்பாளையம் உள்ளிட்ட பகுதிகளுக்குச் சென்று அ.தி.மு.க. தேர்தல் அறிக்கை அடங்கிய துண்டுப்பிரசுரங்களை வழங்கி பொதுமக்களிடம் வாக்கு சேகரித்தார்.

கடந்த 10 ஆண்டு அ.தி.மு.க. ஆட்சியில் நடைபெற்ற மக்கள் நலத்திட்டங்களை தொடரவும், அ.தி.மு.க. தேர்தல் அறிக்கையில் உள்ளபடி குடும்பத் தலைவிக்கு மாதம் ஆயிரத்து 500 ரூபாய், ஆண்டுக்கு ஆறு சிலிண்டர் இலவசம், விலையில்லா சோலார் அடுப்பு, வாஷிங் மெஷின் ஆகியவை பெற்றுத்தர தனக்கு வாக்களித்து வெற்றிபெறச் செய்யவேண்டுமாறு வாக்காளர்களிடம் கேட்டுக்கொண்டார்.