தமிழ்நாடு, கேரளாவில் சிறுத்தைகள் எண்ணிக்கை அறிவிப்பு!

கோவை: மத்திய சுற்றுச்சூழல் மற்றும் வன அமைச்சகம் சார்பில் ஒவ்வொரு ஆண்டும் அறிக்கை வெளியிடப்படுவது வழக்கம்.

இதனைத்தொடர்ந்து கடந்த 2018 -ஆம் ஆண்டு நடந்த வனவிலங்கு கணக்கெடுப்பின்படி அதனுடைய புள்ளிவிவரங்களை சுற்றுச்சூழல் மற்றும் வன அமைச்சகம் வெளியிட்டுள்ளது. கேரளாவில் 650 சிறுத்தைகள் உள்ளதாகவும், நாட்டில் மொத்தம் 12,852 சிறுத்தைகள் உள்ளதாகவும் தெரிவிக்கப்பட்டது.

இதில் 3,387 சிறுத்தைகள் மேற்குத் தொடர்ச்சி மலைக் காடுகளில் உள்ளதாகவும், கர்நாடகாவில் 1,783, தமிழகத்தில் 868, கேரளாவில் 650, கோவாவில் 86 சிறுத்தைகள் வசிக்கின்றனர். தமிழகத்தை ஒட்டியுள்ள பாலக்காடு மாவட்டம் பரம்பிக்குளம் புலிகள் சரணாலயத்தில் அதிகம் வசிக்கின்றன. மேலும் பெரியாறு, அமைதிப்பள்ளத்தாக்கு, வழசால் வயநாடு பகுதிகளிலும் சிறுத்தைகளின் வாழ்விடங்கள் இருப்பதாகவும் மத்திய வன அமைச்சக வெளியிட்டுள்ள அறிக்கையில் தெரிவிக்கப்பட்டுள்ளது.