பாபர் மசூதி இடிப்பு தினத்தை முன்னிட்டு பொள்ளாச்சியில், இஸ்லாமிய அமைப்புகள் கண்டன ஆர்ப்பாட்டம்..!

பொள்ளாச்சி: பாபர் மசூதி இடிப்பு தினத்தை முன்னிட்டு நாடு முழுவதும் இஸ்லாமிய அமைப்புகள் போராட்டத்தில் ஈடுபட்டு வருகின்றனர்.



இதன் ஒரு பகுதியாக, பொள்ளாச்சி தலைமை தொலைபேசி நிலையம் முன்பு எஸ் டி பி ஐ (SDPI) கட்சியினர் சார்பில் கண்டன ஆர்ப்பாட்டம் நடைபெற்றது. இதேபோல, பொள்ளாச்சி திருவள்ளுவர் திடலில் தமிழ்நாடு முஸ்லிம் முன்னேற்ற கழகம் சார்பில் பாபர் மசூதி இடிப்பு தினத்தை முன்னிட்டும், வழக்கில் சம்பந்தப்பட்ட குற்றவாளிகள் மீது நடவடிக்கை எடுக்க வேண்டும் என்றும், பாபர் மசூதி நிலத்தை இஸ்லாமியர்களுக்கு திருப்பி வழங்க வேண்டும் உள்ளிட்ட கோரிக்கைகளை வலியுறுத்தி மத்திய அரசுக்கு எதிராக கண்டன கோஷங்கள் எழுப்பப்பட்டது.

2019 ஆம் ஆண்டு உச்ச நீதிமன்றம் ராமர் கோயில் இருந்ததிற்கான எந்த ஆதாரத்தையும் சுட்டிக்காட்டாமல், ஆவணத்தின் அடிப்படையில் தீர்ப்பு வழங்காமல் இந்துத்துவா அடிப்படையில் தீர்ப்பு வழங்கியுள்ளது கண்டிக்கத்தக்கது, எனவே பாபர் மசூதி இடத்தை திருப்பி வழங்க வேண்டும் என்று ஆர்ப்பாட்டத்தின் போது வலியுறுத்தப்பட்டது.



ஆர்ப்பாட்டத்தில், த.மு.மு.க மற்றும் எஸ்.டி.பி.ஐ கட்சிகளின் நிர்வாகிகள் மற்றும் உறுப்பினர்கள் உள்ளிட்ட பலர் கலந்துகொண்டனர்.