கோவையில் 41 நடமாடும் கொரோனா மருத்துவ பரிசோதனை வாகனங்கள் இயக்கம்

கோவை: கோவை மாநகராட்சிப் பகுதிகளில் கொரோனா பரிசோதனை மேற்கொள்ள 41 நடமாடும் மருத்துவ பரிசோதனை வாகனங்கள் இயக்கப்படுகின்றன என மாநகராட்சி அதிகாரிகள் தகவல் தெரிவித்துள்ளனர். 

கோவை மாநகராட்சி சார்பாக 5 மண்டல அலுவலகங்கள் மற்றும் மாநகராட்சி பகுதிகளில் செயல்பட்டு வரும் 32 சுகாதார நிலையங்களுக்கும் 41 நடமாடும் பரிசோதனை வாகனங்களை மாநகராட்சி நிர்வாகம் வழங்கியுள்ளது.

இது குறித்து மாநகராட்சி அதிகாரிகள் கூறுகையில், மாநகராட்சி கட்டுப்பாட்டு அறைக்குக் கிடைக்கப்பெறும் தகவல்களின் அடிப்படையில், மக்கள் வசிக்கும் இடம் அல்லது கடைகள், நிறுவனங்கள் உள்ளிட்ட இடங்களுக்கு நடமாடும் கொரோனா மருத்துவ பரிசோதனை வாகனங்கள் அனுப்பிவைக்கப்படுகிறது. மக்கள் இதனை பயன்படுத்திக்கொள்ள வேண்டும், என்றனர்.