கோவையில் நேற்று ஒரே நாளில் சராசரியாக 33.67 மிமீ மழை பதிவு..!

கோவை: கோவை மாவட்டம் முழுவதும் கடந்த சில நாட்களாக தென்மேற்கு பருவமழை தீவிரமாக பெய்து வருகிறது. நேற்று ஒரே நாளில் மொத்தமாக 471.4 மிமீ மழையும், சராசரியாக 33.67 மில்லி மீட்டர் மழை பதிவாகியுள்ளது என்பது குறிப்பிடத்தக்கது.

கோவை மாவட்டத்தில் தென்மேற்கு பருவ மழை தீவிரமடைந்துள்ள நிலையில், நொய்யல் ஆறு, கோவை குற்றாலம் ஆகியவற்றில் நீர் வரத்து அதிகரித்து வெள்ளப்பெருக்கு ஏற்பட்டுள்ளது. மேலும், கோவை சிறுவாணி அணையின் நீர் மட்டம் 28.44 ஆக உயர்ந்துள்ள நிலையில், மேட்டுப்பாளையம் வட்டம் பில்லூர் அணைக்கு 12 ஆயிரம் கன அடி நீர்வரத்து வந்து கொண்டிருக்கிறது. 

கோவையில் நேற்று, ஆகஸ்ட் 5 ஆம் தேதி பெய்த மழை அளவு விவரம்:

கோவை விமானநிலையம்-1.4 மி.மீ., சிங்கோனா - 102 மி.மீ.,சின்னகல்லார்-107 மி.மீ., வால்பாறை பி.ஏ.பி.-70 மி.மீ., வால்பாறை தாலுகா-68 மி.மீ. சோலையாறு-107 மி.மீ., கோவை தெற்கு-8 மி.மீ., வேளாண்மை பல்லைக்கழகம்- 8 மி.மீ. என ஒரே நாளில் 471.4 மிமீ மழை பெய்துள்ளது.