கோவை: கறுப்பர் கூட்டம் என்ற யூடியூப் சேனலில் கந்த சஷ்டி கவசம் மற்றும் முருக கடவுள் குறித்து அவதூறு பரப்பும் வகையில் வீடியோ வெளியிட்ட விவகாரம் தமிழகத்தில் பெரும் சர்ச்சையை ஏற்படுத்தியுள்ளது.
கோவை: கறுப்பர் கூட்டம் என்ற யூடியூப் சேனலில் கந்த சஷ்டி கவசம் மற்றும் முருக கடவுள் குறித்து அவதூறு பரப்பும் வகையில் வீடியோ வெளியிட்ட விவகாரம் தமிழகத்தில் பெரும் சர்ச்சையை ஏற்படுத்தியுள்ளது.
இதனைக் கண்டித்து பா ஜ க மற்றும் இந்து அமைப்பினர் தொடர் போராட்டங்களில் ஈடுபட்டு வருகின்றனர். இதன் ஒரு பகுதியாக, இன்று கோவை இடையர்பாளையம் பாரதிய ஜனதா கட்சி சார்பில் மாநில இளைஞரணி செயலாளர் மருத்துவர் ப்ரீத்தி லட்சுமி இல்லம் முன்பு அவ்வமைப்பினர் ஆர்ப்பாட்டம் நடத்தினர்.
வேல் பூக்கோலம் உட்பட 50 கோலங்கள் இட்டும், பெண்கள் தங்களது கைகளில் பல வண்ணங்களில் வேலை வரைந்தும் நூதன முறையில் ஆர்ப்பாட்டத்தில் ஈடுப்பட்டனர்.
மேலும், முருகன் பாடல்கள் மற்றும் பஜனை பாடல்கள் பாடியும், கறுப்பர் கூட்டத்தை கண்டித்து முழக்கங்களை எழுப்பியும் போராட்டம் நடத்தினர்.