கோவை: கொரோனா தொற்று காரணமாக கோவை இ.எஸ்.ஐ மருத்துவமனையில் சிகிச்சை பெற்று வரும் திருப்பூர் மாவட்டத்தைச் சேர்ந்த முதியவர் மருத்துவமனையில் இருந்து நேற்று தப்பி ஓடிய நிலையில் தகவலறிந்த சமூக ஆர்வலர்கள் மற்றும் போலீசார் அவரை மீட்டு மருத்துவமனையில் மீண்டும் அனுமதித்தனர்.
கோவை: கொரோனா தொற்று காரணமாக கோவை இ.எஸ்.ஐ மருத்துவமனையில் சிகிச்சை பெற்று வரும் திருப்பூர் மாவட்டத்தைச் சேர்ந்த முதியவர் மருத்துவமனையில் இருந்து நேற்று தப்பி ஓடிய நிலையில் தகவலறிந்த சமூக ஆர்வலர்கள் மற்றும் போலீசார் அவரை மீட்டு மருத்துவமனையில் மீண்டும் அனுமதித்தனர்.
உலகையே உலுக்கி வரும் கொரோனா வைரஸ் தொற்றின் தாக்கம் நாளுக்கு நாள் அதிகரித்து வரும் நிலையில் அதை கட்டுப்படுத்தும் நோக்கில் அரசு பல்வேறு நடவடிக்கைகளில் ஈடுபட்டு வருகிறது. இந்த நிலையில் தமிழக சுகாதாரத்துறையின் அறிவுரையின்படி, கோவை உட்பட நீலகிரி, திருப்பூர் உள்ளிட்ட மாவட்டங்களிலிருந்து கொரோனா தொற்றினால் பாதிக்கப்பட்டவர்கள் கோவை இஎஸ்ஐ மருத்துவமனையில் சிகிச்சைக்காக அனுமதிக்கப்பட்டுள்ளனர்.
இப்படி அனுமதிக்கப்பட்டவர்கள் சில நேரங்களில் மருத்துவமனையிலிருந்து தப்பி வெளியேறுவது வாடிக்கையாகி வருகிறது.
அதே போல, கோவை அரசு மருத்துவமனையில் திருப்பூர் குண்டடம் பகுதியைச் சேர்ந்த நபர் சிறுநீரக சிகிச்சைக்காக அனுமதிக்கப்பட்டார். இதைத்தொடர்ந்து அவருக்கு கொரோனா நோய்த் தொற்று பரிசோதனை மேற்கொள்ளப்பட்டதில் தொற்று உறுதியானது.
இதையடுத்து, அவர் கோவை இஎஸ்ஐ மருத்துவமனைக்கு சிகிச்சைக்காக அனுமதிக்கப்பட்டார். இப்படி இருக்க இன்று காலை அந்த நபர் இஎஸ்ஐ மருத்துவமனையிலிருந்து யாருக்கும் தெரியாமல் வெளியே வந்துள்ளார்.
தொடர்ந்து, அவரது மகனுக்கு போன் மூலம் நான் மருத்துவமனையிலிருந்து வெளியே விட்டதாக தெரிவித்த அவர், தன்னை வந்து அழைத்துச் செல்லும்படி தெரிவித்துள்ளார்.
அவர் தந்தை அச்சத்தினால் இப்படி ஒரு தவறான செயலை செய்து விட்டார் என்பதை புரிந்து கொண்டு, அவர் மகன் உடனடியாக ஆத்மா அறக்கட்டளைக்கு தகவல் தெரிவித்துள்ளார்.
பின்னர், சிங்காநல்லூர் போலீசார் துணையுடன் வந்த அறக்கட்டளையினர் அவருடைய அடையாள புகைப்படத்தை கொண்டு பேருந்து நிலையத்திலிருந்து அவரை மீட்க 108 ஆம்புலன்சை வரவழைத்தனர்.
இதைத்தொடர்ந்து அவர் மீட்கப்பட்டு மீண்டும் இஎஸ்ஐ மருத்துவமனையில் அனுமதிக்கப்பட்டார்.
கோவை மற்றும் நாடு முழுவதும் உள்ள கொரோனா தொற்றுக்கு சிகிச்சை அளித்து வரும் மருத்துவமனைகளில் சிகிச்சை பெற்று வரும் கொரோனா நோயாளிகள் அடிக்கடி மருத்துவமனையில் இருந்து வெளியேறுவது மருத்துவமனையின் பாதுகாப்பு குறைபாட்டை வெளிப்படுத்துவதாக உள்ளது, என ஆர்வலர்கள் வேதனை தெரிவிக்கின்றனர்.