கோவை: கோவையில் ஐந்து ஆண்கள், நான்கு பெண்கள் இரண்டு குழந்தைகள் உட்பட 11 பேருக்கு கொரோனா தொற்று இன்று உறுதி செய்யப்பட்டுள்ளது.
கோவை: டெல்லி, சென்னை உள்ளிட்ட பல்வேறு பகுதிகளில் இருந்து கோவை வந்த 11 பேருக்கு கொரோனா தொற்று உறுதி செய்யப்பட்டுள்ளது.
உலகையே அச்சுறுத்தி வரும் கொரோனா வைரசின் தாக்கம் தமிழகத்தில் நாளுக்கு நாள் அதிகரித்து வருகிறது. கொரோனா பரவலைக் கட்டுப்படுத்த ஊரடங்கு உத்தரவு பிறப்பிக்கப்பட்டுள்ள போதிலும், சென்னை உள்ளிட்ட மாவட்டங்களில் தொடர்ந்து கொரோனா தொற்று உறுதி செய்யப்பட்டவர்களின் எண்ணிக்கை அதிகரித்துக்கொண்டே வருகிறது.
குறிப்பாக, கொரோனா தொற்று அதிகம் உறுதி செய்யப்பட்டுள்ள டெல்லி, சென்னை உள்ளிட்ட பகுதிகளில் இருந்து விமானம், ரயில் மற்றும் சாலை மார்க்கமாக கோவை வருபவர்கள் அதிகரித்துள்ளதால் கோவை மாவட்டத்திலும் கடந்த சில தினங்களாக கொரோனா தொற்று பாதிப்பு அடைந்தோர் எண்ணிக்கை அதிகரித்துக்கொண்டே வருகிறது.
இந்த நிலையில், டெல்லி, சென்னை உள்ளிட்ட பல்வேறு இடங்களில் இருந்து கோவை வந்த 11 பேருக்கு இன்று கொரோனா தொற்று உறுதி செய்யப்பட்டுள்ளது.
இதில், ஐந்து ஆண்கள், நான்கு பெண்கள் மற்றும் இரண்டு குழந்தைகள் உட்பட 11 பேருக்கு கொரோனா தொற்று பாதிப்பு உறுதி செய்யப்பட்டுள்ளது.
1. டெல்லியில் இருந்து கோவைக்கு விமானத்தில் வந்த நாமக்கலை சேர்ந்த 17 வயது பெண்ணிற்கு கொரோனா தொற்று உறுதி.
2. சென்னையில் இருந்து காரில் கோவை வந்த வெள்ளக்கிணறு பகுதியை சேர்ந்த 51 வயது ஆண்.
3.நெகமத்தை சேர்ந்த 33 வயது ஆண்.
4. கருமத்தம்பட்டி பகுதியை சேர்ந்த 40 வயது கார் ஒட்டுநருக்கு கொரோனா தொற்று உறுதி.
5. கரூரில் இருந்து கோவை வந்த காரமடையை சேர்ந்த 61 வயது பெண்.
6. திருச்சியில் இருந்து வந்த துடியலூரை சேர்ந்த 38 வயது ஆண்.
7. சென்னையில் இருந்து வந்த ராமநாதபுரத்தை சேர்ந்த 38 வயது ஆண்.
8. ராமநாதபுரத்தை சேர்ந்த 48 வயது பெண்.
9. ஊட்டியை சேர்ந்த 50 வயது பெண்.
10. சின்னியம்பாளையம் பகுதியை சேர்ந்த 12 வயது மற்றும் 5 வயது என இரு ஆண் குழந்தைகளுக்கு கொரோனா தொற்று உறுதி செய்யப்பட்டுள்ளது.
இதனை தொடர்ந்து, கொரோனா வைரஸ் தொற்று பாதிக்கப்பட்ட 11 பேரும் கோவை இ.எஸ்.ஐ மருத்துவமனையில் அனுமதிக்கப்பட்டு சிகிச்சை அளிக்கப்பட்டு வருகிறது.
இதில், கோவையைத் தவிர மற்ற மாவட்டங்களை சேர்ந்த பல்வேறு நபர்களுக்கு கொரோனா தொற்று உறுதி செய்யப்பட்டுள்ளதால், தற்போது நோய் தொற்று பாதிக்கப்பட்டவர்கள் எந்தெந்த மாவட்டத்தின் கொரோனா பட்டியலில் இடம் பெறுவார்கள் என்று சுகாதாரத் துறை அமைச்சகம் தரப்பில் நாளை வெளியிடப்படும் அறிக்கையில் தெரியவரும்.
தமிழக சுகாதாரத்துறை அமைச்சகம் சார்பில் இன்று வெளியிடப்பட்ட அறிக்கையில், கோவை மாவட்டத்தில் 183 பேருக்கு கொரோனா தொற்று உறுதி செய்யப்பட்டுள்ளது குறிப்பிடத்தக்கது.