கோவையில் வரும் 10ம் தேதி 150க்கும் மேற்பட்ட கைவினை பொருட்களுடன் பாரம்பரியமான தாம்பாளம் தட்டு கண்காட்சி!

கோவை: கோவை தமிழ்நாடு கைவினை கவுன்சில் சார்பில் கோவை புலியகுளத்தில் வரும் பிப்ரவரி 10 மற்றும் 11ம் தேதி தென்னிந்தியாவின் பாரம்பரியமான தாம்பாளம் தட்டு கண்காட்சி நடைபெறுகிறது.

தாம்பாளம் என்பது தென்னிந்தியாவின் பாரம்பரியமாக, பன்னெடுங்காலமாக மறக்க முடியாத ஒன்று. வெற்றிலை, பாக்கு, பழம், தேங்காய், பூக்களைக் கொண்ட தட்டில் வைத்து விழாக்காலங்களில் மட்டுமின்றி, விசேஷ நாட்களிலும் பூஜை செய்கின்றனர்.



இந்நிலையில், தமிழ்நாடு கிராப்ட் கவுன்சில் சார்பில் கோவையில் வரும் 10ம் தேதி மிக பழமையான தாம்பாளம் தட்டுக்களையும் அது பற்றிய ஆவணங்களையும் காட்சிக்கு ஏற்பாடு செய்யப்பட்டுள்ளது. இந்த கண்காட்சியில் சில்வர், பித்தளை, மரம் மற்றும் கற்களால் ஆன தட்டுக்கள் இடம் பெறுகின்றன. பல தனித்துவமிக்க இத்தகைய தாம்பாளம் தட்டுக்களை, பல வீடுகளிலும், குடும்பத்தினரிடமும், நண்பர்களிடமும் பெற்று காட்சிப்படுத்தவுள்ளது. நமது மண்டலத்தின் பாரம்பரியம் மற்றும் கலாச்சாரத்தை எடுத்துக்காட்டும் விதமாக இது காட்சிப்படுத்தப்படும். இந்த கண்காட்சியில் பல்வேறு பகுதிகளில் உள்ள கைவினை பொருட்களும் இடம் பெறுகிறது. அனைத்து மாநிலங்களிலும் உள்ள கைவினை தட்டுக்களும் பார்வைக்கும் விற்பனைக்கும் வைக்கப்படுகிறது.



கோவையில் நடக்கும் இந்த கண்காட்சியில் 150க்கும் மேற்பட்ட கைவினை பொருள்கள் இடம் பெறுகின்றன. நமது பகுதியில் உள்ள உலோகங்கள், பித்தளை, தாமிரம் போன்றவற்றில் உருவாக்கப்பட்ட தாம்பாள தட்டுக்கள் இடம் பெறுகின்றன. காஷ்மீரி கோபியர் மச்சே, வால்நட் மர வேலைப்பாடு, பித்ரி, உலோகத்தின் மீதான பதிவுகள், சித்திரங்கள் போன்றவை இடம் பெறுகின்றன. பார்வையாளர்கள் இவற்றை பார்வையிட்டு வாங்கி, பாரம்பரியமிக்க இந்த பொருட்களை பயன்படுத்தலாம்.



கோவை புலியகுளத்தில், கார்மல் தோட்டம் பள்ளிக்கு எதிரே உள்ள கூடம் அரங்கில் இந்த கண்காட்சி வரும் பிப்ரவரி 10ம் தேதி மற்றும் 11ம் தேதி ஆகிய இரு நாட்கள் நடக்கிறது. இலவச அனுமதியுடன் காலை 10 மணி முதல் மாலை 6.30 மணி வரை பார்வையிடலாம்.