கோவை: கோவை காந்திபுரம் அருகே பெருந்தலைவர் மக்கள் கட்சியின் வடக்கு மாவட்ட செயலாளர் ரகுபதியின் எலக்ட்ரானிக்ஸ் குடோனில் அடையாளம் தெரியாத நபர்கள் தீ வைத்து செல்லும் வீடியோ காட்சிகள் வெளியாகி உள்ளது.
கோவை: கோவை காந்திபுரம் அருகே பெருந்தலைவர் மக்கள் கட்சியின் வடக்கு மாவட்ட செயலாளர் ரகுபதியின் எலக்ட்ரானிக்ஸ் குடோனில் அடையாளம் தெரியாத நபர்கள் தீ வைத்து செல்லும் வீடியோ காட்சிகள் வெளியாகி உள்ளது.
கோவை காந்திபுரம் அருகே உள்ள டாக்டர்ஸ் காலனி பகுதியை சேர்ந்த ரகுபதி(53). பெருந்தலைவர் மக்கள் கட்சியில் கோவை வடக்கு மாவட்ட செயலாளராக உள்ளார். மேலும், இவர் காந்திபுரம் 1வது வீதியில் பழைய எலக்ட்ரானிக்ஸ் பொருட்களான பிரிட்ஜ், வாஷிங் மெஷின், மோட்டார் சைக்கிள், டிவி ஆகியவற்றை அருகே உள்ள டிராவல்ஸ் நிறுவனத்தில் வைத்து பழுது பார்த்து விற்பனை செய்து வருகிறார்.
இந்த நிலையில், நேற்று இரவு இவர் வழக்கம்போல கடையை பூட்டிவிட்டு வீட்டுக்கு சென்ற நிலையில் இன்று காலை இவரது பழைய எலக்ட்ரானிக்ஸ் பொருட்கள் வைக்கும் குடோனில் திடீரென தீப்பிடித்து எரிந்துள்ளது. இதனை கண்ட அக்கம்பக்கத்தினர் தீயணைப்புத் துறைக்கு தகவல் கொடுத்தனர். பின்னர் சம்பவ இடத்திற்கு விரைந்து வந்த தீயணைப்புத் துறையினர் பற்றி எரிந்த தீயை அணைத்தனர். இந்த தீ விபத்தில் ஏராளமான எலக்ட்ரானிக்ஸ் பொருட்கள் கருகி நாசமாகின.
இந்த சம்பவம் தொடர்பாக உரிமையாளர் ரகுபதி கொடுத்த புகாரின் பேரில் காட்டூர் போலீசார் வழக்குப்பதிவு செய்து விசாரணை மேற்கொண்டு வருகின்றனர். இந்த நிலையில், எலக்ட்ரானிக் குடோனில் அடையாளம் தெரியாத நபர்கள் தீ பற்ற வைத்து செல்வது போன்ற வீடியோ காட்சிகள் வெளியாகி உள்ளது. இந்த காட்சிகளை வைத்து போலீசார், குற்றவாளிகளை கைது செய்ய தீவிரம் காட்டி வருகின்றனர்.