ஆதரவற்ற, ஏழை பெண்களுக்கான விலையில்லா தையல் இயந்திரம் பெறுவதற்கான விண்ணப்பங்கள் வரவேற்பு

கோவை : கோவை மாவட்ட சமூக நலத்துறையின் வாயிலாக விதவை, கணவரால் கைவிடப்பட்டவர், ஆதரவற்றோர் மற்றும் மாற்றுத் திறனாளி ஏழைப் பெண்களுக்கு மின்மோட்டார் பொருத்தப்பட்ட தையல் இயந்திரம் வழங்குவதற்கு தகுதி வாய்ந்த பயனாளிகளிடம் இருந்து விண்ணப்பங்கள் வரவேற்கப்படுகிறது. 

விண்ணப்பத்துடன் இணைக்கப்பட வேண்டிய சான்றுகள் : 

1. வருமானச் சான்று ரூ. 72,000-க்குள் (வட்டாட்சியரிடம் பெற வேண்டும்)

2. இருப்பிடச் சான்று (வட்டாட்சியரிடம் பெற வேண்டும் அல்லது ரேசன் கார்டு)

3. தையல் பயிற்சி சான்று (பதிவு செய்யப்பட்ட தையல் நிறுவனத்திடம் இருந்து பெறப்பட்டது) (6 மாத கால பயிற்சி)

4. வயது சான்று (20 முதல் 40 வரை) அல்லது கல்விச் சான்று அல்லது பிறப்புச் சான்று

5. சாதிச் சான்று

6. பாஸ்போர்ட் அளவு மனுதாரரின் கலர் புகைப்படம் 2

7. விதவை, கணவனால் கைவிடப்பட்டவர் ஆதரவற்ற மகளிர் மற்றும் மாற்றுத் திறனாளி பெண் சான்று நகல் 

8. ஆதார் அடையாள அட்டை 

மேற்காணும் ஆவணங்களுடன் விண்ணப்பங்களைக் கோவை மாவட்ட சமூகநல அலுவலகத்தில் ஆகஸ்ட் 31-ம் தேதிக்குள் சமர்ப்பிக்க வேண்டும்.