உள்ளாட்சி தேர்தலுக்கான இடஒதுக்கீட்டு பட்டியல் வெளியீடு : கோவை மாநகராட்சியில் 45 வார்டுகள் பெண்களுக்கு ஒதுக்கீடு

கோவை : விரைவில் நடைபெற உள்ள உள்ளாட்சி தேர்தலுக்கான இட ஒதுக்கீட்டு பட்டியலை கோவை மாவட்ட ஆட்சியர் வெளியிட்டுள்ளார். அதில், கோவை மாநகராட்சியில் எஸ்.சி., எஸ்.டி. பிரிவு பெண்கள் உள்பட 45 வார்டுகள் பெண்களுக்காக ஒதுக்கீடு செய்யப்பட்டுள்ளது.

உள்ளாட்சித் தேர்தலுக்கான வார்டு வரையறையை முறையாகச் செய்ய வேண்டும் என தி.மு.க. சார்பில் உயர் நீதிமன்றத்தில் வழக்கு தொடுக்கப்பட்டது. அதில், தாழ்த்தப்பட்ட, மலைவாழ் மக்களுக்கான ஒதுக்கீடு முறையாக இல்லை என கூறப்பட்டதை ஏற்ற உயர் நீதிமன்றம், முறையாக மக்கள் தொகை அடிப்படையில் வார்டு வரையறை செய்ய உத்தரவிட்டது. இதையடுத்து, அனைத்துப் பணிகளும் முடிந்த நிலையில் வாக்காளர் பட்டியல் தயாரிக்கும் பணி முடிந்ததும் உள்ளாட்சித் தேர்தல் என அரசுத் தரப்பு கூறியது. 

இந்த நிலையில், உள்ளாட்சித் தேர்தலுக்கான இட ஒதுக்கீட்டுப் பட்டியலை கோவை மாவட்ட ஆட்சியர் கு. ராசாமணி இன்று வெளியிட்டார். அதன்படி, கோவை மாநகராட்சியில் உள்ள 100 வார்டுகளில் பெண்களுக்கு மட்டும் 45 வார்டுகள் ஒதுக்கப்பட்டுள்ளன.

ஒதுக்கப்பட்ட வார்டுகள் விவரம் :

பொதுப் பிரிவு பெண்களுக்கு : 89 வார்டுகள் (1, 2, 9, 14, 15, 17, 19, 21, 25, 26, 27, 28, 29, 30, 36, 37, 38, 39, 40, 41, 43, 44, 45, 48, 49, 50, 51, 54, 57, 58, 59, 62, 63, 64, 65, 67, 68, 70, 75, 77, 78, 79, 82, 83 மற்றும் 84)

எஸ்.சி. பிரிவு : 60,74, 80, 87 மற்றும் 93 

எஸ்.சி. பிரிவு (பெண்கள்) : 3, 13, 61, 66 மற்றும் 85.