கோவை : மத்திய அரசு திட்டமிட்டுள்ள புதிய கல்விக் கொள்கையினால் 8-ம் வகுப்பு மாணவர்களும் பொதுத்தேர்வை சந்திக்க வேண்டிய சூழல் ஏற்பட்டுள்ளது.
கோவை : மத்திய அரசு திட்டமிட்டுள்ள புதிய கல்விக் கொள்கையினால் 8-ம் வகுப்பு மாணவர்களும் பொதுத்தேர்வை சந்திக்க வேண்டிய சூழல் ஏற்பட்டுள்ளது.
1968-ம் ஆண்டு அமல்படுத்தப்பட்ட தேசிய கல்வி கொள்கையானது 10+2 என்ற அடிப்படையில் பாடத்திட்டங்கள் அறிமுகம் செய்யப்பட்டன. அதாவது, 10+2 பாடத்திட்டத்தின் முறைப்படி, 1 முதல் 5-ம் வகுப்பு வரையில் தொடக்கக் கல்வி நிலையும், 6 முதல் 8-ம் வகுப்பு வரையில் இரண்டாம் நிலையும், 11 மற்றும் 12-ம் வகுப்பு உயர்நிலையாகவும் பிரிக்கப்பட்டுள்ளது. இந்த நிலையில், புதிய கல்விக் கொள்கையை அமல்படுத்தக் கோரி கஸ்தூரி ரங்கன் தலைமையிலான 9 பேர் கொண்ட நிபுணர்கள் குழு வரைவு அறிக்கையை பரிந்துரைந்து செய்துள்ளது. இந்தக் கல்விக் கொள்கையின்படி, கல்வி நிலைகள் 5+3+3+4 ஆக பிரிக்கப்பட்டுள்ளது. அதாவது, ப்ரி- பிரைமரி பள்ளி படிப்பு மற்றும் 1 மற்றும் 2 வகுப்புகள் பவுண்டேசனல் நிலையாகவும், 3,4 மற்றும் 5-ம் வகுப்புகள் லேட்டர் பிரைமரி நிலையாகவும், 6,7 மற்றும் 8 அப்பர் பிரைமரியாகவும், 9,10,11 மற்றும் 12 ஆகிய வகுப்புகள் உயர்நிலையாகவும் பிரிக்கப்பட்டுள்ளது.
இந்தப் புதிய கல்விக் கொள்கையின் மூலம் 8-ம் வகுப்பு மாணவர்களும் பொதுத்தேர்வை சந்திக்க வேண்டிய சூழல் ஏற்பட்டுள்ளதாக கல்வியாளர்கள் தெரிவிக்கின்றனர். இதனால், பள்ளி மாணவர்கள் மற்றும் பெற்றோர்கள் கடும் நெருக்கடிக்கு ஆளாகியுள்ளனர்.
இது தொடர்பாக ஆர்வலர் பிரின்ஸ் கஜேந்திர பாபு கூறுகையில், "இந்தப் புதிய கல்வி கொள்கை மீது கருத்து தெரிவிக்க வரும் ஜுன் மாதம் 30-ம் தேதிக்குள் அவகாசம் கொடுக்கப்பட்டுள்ளது. இந்தக் கல்விக் கொள்கையை அமல்படுத்தினால் மாணவர்கள் பெரிதும் பாதிக்கப்படுவார்கள். மேலும், மிகக்குறைந்த வயதிலேயே, அதாவது 13 வயதிலேயே பொதுத்தேர்வின் அழுத்தத்தை மாணவர்கள் எதிர்கொள்ள வேண்டிய நிலை ஏற்படும். ஆனால், இந்த புதிய கல்விக் கொள்கை அமல்படுத்தப்படுமா என்பதை பொறுத்திருந்து பார்ப்போம். இந்த புதிய கல்விக் கொள்கைக்கு எதிராக கல்வியாளர்கள் தொடர்ந்து குரல் கொடுக்க வேண்டும். இந்த விவகாரத்தில் அரசு தனது முடிவை மறுபரிசீலனை செய்ய வேண்டும், எனக் கூறினார்.
அரசு பள்ளி ஆசிரியர் ஒருவர் கூறுகையில், "தற்போது சி வகுப்பு தொழிலாளர்கள் பற்றாக்குறை ஏற்பட்டுள்ளது. அதாவது, ப்ளம்பிங், கார்ப்பென்ட்ர் மற்றும் எலக்ட்டிரிக்கல் போன்ற பணிகளை செய்வதற்கு போதிய பணியாளர்கள் கிடைப்பதில்லை. ஏனெனில், பள்ளிகளில் தேர்ச்சி பெறும் மாணவர்கள் கல்லூரிகளில் சேர்ந்து பட்டப்படிப்புகளை முடித்து விட்டு, வங்கி உள்ளிட்ட சொகுசு பணிகளில் சேருகின்றனர். இந்த நிலையில், அரசு தற்போது, மறைமுகமாக பள்ளிகளில் தேர்ச்சி பெறும் மாணவர்களின் எண்ணிக்கையை குறைக்கிறது. 8-ம் வகுப்பு தேர்வில் தோல்வியடையும் மாணவர்கள், கல்வியை இடைநிறுத்தி விட்டு, இது போன்ற பணிகளை தேர்வு செய்து கொள்கின்றனர்," என்றார்.
"10 மற்றும் 12-ம் வகுப்பு பொதுத்தேர்வுகளில் தேர்ச்சி விகிதத்தை அதிகரிக்க வேண்டும் என்பதற்காக மாணவர்களுக்கு பள்ளிகள் அழுத்தங்களைக் கொடுக்கின்றனர். அரசு விதிகளை மீறி கோடைக்காலங்களிலும் இடைவேளை இல்லாமல் சிறப்பு வகுப்புகள் நடத்துகின்றனர். இந்த சூழலில் 8-ம் வகுப்பு மாணவர்களும் பொதுத்தேர்வை எதிர்கொள்வது கடினமானதாகும். எனவே, இந்த புதிய கல்விக் கொள்கைக்கு கல்வியாளர்கள் எதிர்ப்பு தெரிவித்து, அரசு தனது முடிவை திரும்பப் பெற வேண்டும்," என்கிறார் ரேஸ் கோர்ஸ் பகுதியைச் சேர்ந்த மாணவர் ஒருவரின் தாய் சுதா.
1968-ம் ஆண்டு அமல்படுத்தப்பட்ட தேசிய கல்வி கொள்கையானது 10+2 என்ற அடிப்படையில் பாடத்திட்டங்கள் அறிமுகம் செய்யப்பட்டன. அதாவது, 10+2 பாடத்திட்டத்தின் முறைப்படி, 1 முதல் 5-ம் வகுப்பு வரையில் தொடக்கக் கல்வி நிலையும், 6 முதல் 8-ம் வகுப்பு வரையில் இரண்டாம் நிலையும், 11 மற்றும் 12-ம் வகுப்பு உயர்நிலையாகவும் பிரிக்கப்பட்டுள்ளது. இந்த நிலையில், புதிய கல்விக் கொள்கையை அமல்படுத்தக் கோரி கஸ்தூரி ரங்கன் தலைமையிலான 9 பேர் கொண்ட நிபுணர்கள் குழு வரைவு அறிக்கையை பரிந்துரைந்து செய்துள்ளது. இந்தக் கல்விக் கொள்கையின்படி, கல்வி நிலைகள் 5+3+3+4 ஆக பிரிக்கப்பட்டுள்ளது. அதாவது, ப்ரி- பிரைமரி பள்ளி படிப்பு மற்றும் 1 மற்றும் 2 வகுப்புகள் பவுண்டேசனல் நிலையாகவும், 3,4 மற்றும் 5-ம் வகுப்புகள் லேட்டர் பிரைமரி நிலையாகவும், 6,7 மற்றும் 8 அப்பர் பிரைமரியாகவும், 9,10,11 மற்றும் 12 ஆகிய வகுப்புகள் உயர்நிலையாகவும் பிரிக்கப்பட்டுள்ளது.
இந்தப் புதிய கல்விக் கொள்கையின் மூலம் 8-ம் வகுப்பு மாணவர்களும் பொதுத்தேர்வை சந்திக்க வேண்டிய சூழல் ஏற்பட்டுள்ளதாக கல்வியாளர்கள் தெரிவிக்கின்றனர். இதனால், பள்ளி மாணவர்கள் மற்றும் பெற்றோர்கள் கடும் நெருக்கடிக்கு ஆளாகியுள்ளனர்.
இது தொடர்பாக ஆர்வலர் பிரின்ஸ் கஜேந்திர பாபு கூறுகையில், "இந்தப் புதிய கல்வி கொள்கை மீது கருத்து தெரிவிக்க வரும் ஜுன் மாதம் 30-ம் தேதிக்குள் அவகாசம் கொடுக்கப்பட்டுள்ளது. இந்தக் கல்விக் கொள்கையை அமல்படுத்தினால் மாணவர்கள் பெரிதும் பாதிக்கப்படுவார்கள். மேலும், மிகக்குறைந்த வயதிலேயே, அதாவது 13 வயதிலேயே பொதுத்தேர்வின் அழுத்தத்தை மாணவர்கள் எதிர்கொள்ள வேண்டிய நிலை ஏற்படும். ஆனால், இந்த புதிய கல்விக் கொள்கை அமல்படுத்தப்படுமா என்பதை பொறுத்திருந்து பார்ப்போம். இந்த புதிய கல்விக் கொள்கைக்கு எதிராக கல்வியாளர்கள் தொடர்ந்து குரல் கொடுக்க வேண்டும். இந்த விவகாரத்தில் அரசு தனது முடிவை மறுபரிசீலனை செய்ய வேண்டும், எனக் கூறினார்.
அரசு பள்ளி ஆசிரியர் ஒருவர் கூறுகையில், "தற்போது சி வகுப்பு தொழிலாளர்கள் பற்றாக்குறை ஏற்பட்டுள்ளது. அதாவது, ப்ளம்பிங், கார்ப்பென்ட்ர் மற்றும் எலக்ட்டிரிக்கல் போன்ற பணிகளை செய்வதற்கு போதிய பணியாளர்கள் கிடைப்பதில்லை. ஏனெனில், பள்ளிகளில் தேர்ச்சி பெறும் மாணவர்கள் கல்லூரிகளில் சேர்ந்து பட்டப்படிப்புகளை முடித்து விட்டு, வங்கி உள்ளிட்ட சொகுசு பணிகளில் சேருகின்றனர். இந்த நிலையில், அரசு தற்போது, மறைமுகமாக பள்ளிகளில் தேர்ச்சி பெறும் மாணவர்களின் எண்ணிக்கையை குறைக்கிறது. 8-ம் வகுப்பு தேர்வில் தோல்வியடையும் மாணவர்கள், கல்வியை இடைநிறுத்தி விட்டு, இது போன்ற பணிகளை தேர்வு செய்து கொள்கின்றனர்," என்றார்.
"10 மற்றும் 12-ம் வகுப்பு பொதுத்தேர்வுகளில் தேர்ச்சி விகிதத்தை அதிகரிக்க வேண்டும் என்பதற்காக மாணவர்களுக்கு பள்ளிகள் அழுத்தங்களைக் கொடுக்கின்றனர். அரசு விதிகளை மீறி கோடைக்காலங்களிலும் இடைவேளை இல்லாமல் சிறப்பு வகுப்புகள் நடத்துகின்றனர். இந்த சூழலில் 8-ம் வகுப்பு மாணவர்களும் பொதுத்தேர்வை எதிர்கொள்வது கடினமானதாகும். எனவே, இந்த புதிய கல்விக் கொள்கைக்கு கல்வியாளர்கள் எதிர்ப்பு தெரிவித்து, அரசு தனது முடிவை திரும்பப் பெற வேண்டும்," என்கிறார் ரேஸ் கோர்ஸ் பகுதியைச் சேர்ந்த மாணவர் ஒருவரின் தாய் சுதா.