வாக்குச்சாவடிக்கான விபரங்கள் மற்றும் தேர்தல் புகார்களுக்கு இலவச புகார் எண் 1950

கோவை : பொதுமக்களின் வாக்குச்சாவடிக்கான விபரங்கள் மற்றும் தேர்தல் குறித்த புகார்களை அளிக்க தேர்தல் ஆணையம் 1950 என்ற இலவச புகார் எண்ணை அறிவித்துள்ளது.

1950 என்ற எண் மூலம் வாக்காளர்கள் தேர்தல், வாக்களித்தல், விதிமுறைகள் என அனைத்துத் தகவல்களையும் ஃபோன் கால் மூலம் தெரிந்துகொள்ள முடியும். கூடுதலாக சுய தகவல்கள், பூத் அதிகாரிகள், தேர்தல் ஆணைய அதிகாரிகள் ஆகிய தகவல்களையும் இந்த ஹெல்ப்லைன் நம்பர் மூலம் வாக்களர்கள் பெறலாம். www.nvsp.in என்ற இணையதளப் பக்கத்தையும் வாக்காளர்கள் பயன்படுத்தலாம். இலவச எஸ்.எம்.எஸ் அனுப்பியும் வேண்டிய தகவல்களைப் பெறமுடியும். எஸ்.எம்.எஸ் மூலம் இந்தியத் தேர்தல் ஆணையத்திடம் தகவல்களைப் பெற கீழ்காணும் விதிமுறைகளைப் பின்பற்றலாம்.

(i) ECI <EPIC Number> <0 (ஆங்கிலத்தில் பதில் விரும்புவோர்) or <1 (பிராந்திய மொழிகளில் பதில் விரும்புவோர்).

(ii) ECIPS <EPIC Number>EPIC எண் என்பது இந்தியத் தேர்தல் ஆணையம் வழங்கும் வாக்காளர் அடையாள அட்டையில் உள்ள எண். வாக்களர்களிடம் வெறும் அடையாள அட்டை இருந்தால் மட்டும் போதாது. கூடுதலாக இந்தியத் தேர்தல் ஆணையம் அறிவித்துள்ள 11 அரசு ஆவனங்களுள் ஒன்றை சமர்ப்பிக்க வேண்டும். கூடுதலாக வாக்களர் பெயர்ப் பட்டியலிலும் பெயர் இருக்க வேண்டியது அவசியம்.