இந்தியாவில் பெண்களுக்கான சுதந்திரம் மேன்மையாக உள்ளது : நீலகிரியில் சார்ஜா இளவரசி பேச்சு

நீலகிரி : இந்தியாவில் பெண்களுக்கான சுதந்திரம் மேன்மையாக இருப்பதாகவும், சவுதியில் காலப்போக்கில் பெண்களுக்கு முழு சுதந்திரம் கிடைக்கும் என நீலகிரியில் தனியார் கல்லூரி நிகழ்ச்சியில் பங்கேற்ற சார்ஜா இளவரசி அல்கசிமி தெரிவித்தார்.

நீலகிரி மாவட்டம் உதகையில் இயங்கி வரும் தனியார் கட்டிடவியல் கல்லூரியில் மாணவ, மாணவிகளுடன் கலந்துரையாடல் நிகழ்ச்சி நடைபெற்றது. இதில் சிறப்பு விருந்தினராக சார்ஜா இளவரசி அல்கசிமி கலந்து கொண்டு, மாணவ, மாணவிகளின் பல்வேறு கேள்விகளுக்கு பதில் அளித்தார். பின்னர் செய்தியாளர்களிடம் அவர் பேசியதாவது :- இந்தியாவில் பெண்களுக்கான சுதந்திரம் மேன்மையாக இருக்கிறது. அரேபிய நாடுகளில் எமிரேட்ஸ்களில் பெண்களுக்கு சுதந்திரம் உள்ளது. சவுதியில் தற்போது கடந்த ஒராண்டாக பெண்களுக்கு சுதந்திரம் அளிக்கப்பட்டு வருகிறது. காலப்போக்கில் பெண்களுக்கு முழு சுதந்திரம் கிடைக்கும்.



மக்கள் தங்கள் நாட்டு கலாச்சாரத்தைப் பின்பற்ற வேண்டும். இந்திய கலாச்சாரம் முதன்மையானது. இந்திய நாட்டில் உள்ள படித்த பெண்களுக்கு சார்ஜா நாட்டில் வேலைவாய்ப்புக்கு முன் உரிமை அளிக்கப்படும், என்றார்.



இதைத் தொடர்ந்து, சென்னையில் நாளை ரஜினி, கமல் போன்ற நடிகர்களை சார்ஜா இளவரசி அல்கசிமி சந்திக்க உள்ளார்.