கோவை : பிச்சைக்காரர்கள் இல்லாத நாடாக, இந்தியாவை உருவாக்க வேண்டும் என்பதனை வலியுறுத்தி நடைபயணம் மேற்கொள்ளும் டெல்லி இளைஞர் இன்று கோவை வருகை புரிந்துள்ளார்.
கோவை : பிச்சைக்காரர்கள் இல்லாத நாடாக, இந்தியாவை உருவாக்க வேண்டும் என்பதனை வலியுறுத்தி நடைபயணம் மேற்கொள்ளும் டெல்லி இளைஞர் இன்று கோவை வருகை புரிந்துள்ளார்.
டெல்லியை சேர்ந்த இளைஞர் ஆசிஷ் சர்மா (29). இவர் பிச்சைக்காரர்கள் இல்லாத நாடாக இந்தியா மாற வேண்டும் என வலியுறுத்தி ஜம்மு உன்முத் பகுதியிலிருந்து 17,000 கி.மீ நடைபயணம் மேற்கொண்டு வருகிறார். இதன் தொடர்ச்சியாக, திருநெல்வேலி, விருதுநகர், சிவகங்கை, ராமநாதபுரம், ராமேஸ்வரம், மதுரை, திண்டுக்கல் வழியாக பிரச்சாரம் மேற்கொண்டவர் இன்று கோவை வந்துள்ளார்.
மாவட்ட ஆட்சியர் அலுவலகம் வந்திருந்த ஆசிஷ் சர்மா கூறுகையில், "நான் ஒரு தொழில்நுட்ப பட்டதாரி. முன்னதாக, வெளிநாட்டு நிறுவனத்தில் பணியாற்றிக் கொண்டிருந்தேன். தற்போது, நான் மேற்கொள்ளும் இந்த நடைபயணத்திற்காக, எனது வேலையை ராஜினாமா செய்துவிட்டேன். தொடர்ந்து, 17 ஆயிரம் கிலோ மீட்டர் தூரம் பயணிக்க உள்ளேன். தற்போது, 15,903 கி.மீ தூரம் வரை பயணத்தைத் தொடர்ந்துள்ளேன், என்றார்.
இந்த பயணத்தை நோக்கி அவரின் எண்ணங்கள் வர என்ன காரணம் என செய்தியாளர்கள் கேள்வி எழுப்பினர். அதற்கு, "ஒரு நாள் பணி முடிந்து வீடு திரும்பிக் கொண்டிருந்தபோது, கையில் ரத்தம் சொட்ட சிறுவன் ஒருவன் பிச்சை எடுப்பதைக் கண்டேன். உண்மையில், மிகவும் மனம் வருத்தமாக இருந்தது. ஆகவே, அந்த சிறுவனை அழைத்துச் சென்று முதலுதவிகள் கொடுத்து, அதன் பின்னர் பள்ளியில் சேர்த்தேன்.
இந்த சம்பவம் என் மனதை மிகவும் பாதித்தது. அதனைத் தொடர்ந்து, பணியினை ராஜினாமா செய்துவிட்டு, பிச்சைக்காரர்கள் இல்லாத நாடாக இந்தியா இருக்க வேண்டும் என்பதை வலியுறுத்தி பிரச்சாரம் செய்யத் தொடங்கினேன். கடந்த 2015ம் ஆண்டு முதல் இதனைச் செய்து வருகிறேன். அரசும் பல்வேறு நடவடிக்கைகள் எடுத்தது. இருப்பினும், இதனை முழுமையாக நடைமுறைப்படுத்த முடியவில்லை.
இதையடுத்து, பொதுமக்களிடம் இதனைக் கொண்டு செல்ல கடந்த 2017ம் ஆண்டு முடிவெடுத்து, ஆகஸ்ட் 22ம் தேதி ஜம்முவில் தொடங்கினேன். ஹிமாச்சலப் பிரதேசம், பஞ்சாப்,சண்டிகர், ஹரியானா, ராஜஸ்தான், குஜராத், மஹாராஷ்டிரா, கோவா, ம.பி, உ.பி, உள்ளிட்ட பல்வேறு மாநிலங்களைக் கடந்து வந்திருக்கிறேன். தற்போது, தமிழகம் வந்தடைந்துள்ளேன். தினமும் 30 முதல் 40 கி.மீ வரை நடந்து கொண்டிருக்கிறேன். பயணத்தின் இறுதியில் டெல்லியில் மிக பெரிய பேரணியை நடத்த உள்ளேன், என்றார்.
அடுத்ததாக, சேலம், திருவண்ணாமலை, விழுப்புரத்தை அடுத்து புதுச்சேரி செல்லவிருக்கிறார் ஆசிஷ். அதனைத் தொடர்ந்து, சென்னை சென்று அங்கிருந்து அந்தமான் நிக்கோபார் செல்லவுள்ளார். மேலும், வரும் மார்ச் 9ம் தேதி தனது பயணத்தை நிறைவு செய்ய உள்ளதாக அவர் தெரிவித்தார்.
டெல்லியை சேர்ந்த இளைஞர் ஆசிஷ் சர்மா (29). இவர் பிச்சைக்காரர்கள் இல்லாத நாடாக இந்தியா மாற வேண்டும் என வலியுறுத்தி ஜம்மு உன்முத் பகுதியிலிருந்து 17,000 கி.மீ நடைபயணம் மேற்கொண்டு வருகிறார். இதன் தொடர்ச்சியாக, திருநெல்வேலி, விருதுநகர், சிவகங்கை, ராமநாதபுரம், ராமேஸ்வரம், மதுரை, திண்டுக்கல் வழியாக பிரச்சாரம் மேற்கொண்டவர் இன்று கோவை வந்துள்ளார்.
மாவட்ட ஆட்சியர் அலுவலகம் வந்திருந்த ஆசிஷ் சர்மா கூறுகையில், "நான் ஒரு தொழில்நுட்ப பட்டதாரி. முன்னதாக, வெளிநாட்டு நிறுவனத்தில் பணியாற்றிக் கொண்டிருந்தேன். தற்போது, நான் மேற்கொள்ளும் இந்த நடைபயணத்திற்காக, எனது வேலையை ராஜினாமா செய்துவிட்டேன். தொடர்ந்து, 17 ஆயிரம் கிலோ மீட்டர் தூரம் பயணிக்க உள்ளேன். தற்போது, 15,903 கி.மீ தூரம் வரை பயணத்தைத் தொடர்ந்துள்ளேன், என்றார்.
இந்த பயணத்தை நோக்கி அவரின் எண்ணங்கள் வர என்ன காரணம் என செய்தியாளர்கள் கேள்வி எழுப்பினர். அதற்கு, "ஒரு நாள் பணி முடிந்து வீடு திரும்பிக் கொண்டிருந்தபோது, கையில் ரத்தம் சொட்ட சிறுவன் ஒருவன் பிச்சை எடுப்பதைக் கண்டேன். உண்மையில், மிகவும் மனம் வருத்தமாக இருந்தது. ஆகவே, அந்த சிறுவனை அழைத்துச் சென்று முதலுதவிகள் கொடுத்து, அதன் பின்னர் பள்ளியில் சேர்த்தேன்.
இந்த சம்பவம் என் மனதை மிகவும் பாதித்தது. அதனைத் தொடர்ந்து, பணியினை ராஜினாமா செய்துவிட்டு, பிச்சைக்காரர்கள் இல்லாத நாடாக இந்தியா இருக்க வேண்டும் என்பதை வலியுறுத்தி பிரச்சாரம் செய்யத் தொடங்கினேன். கடந்த 2015ம் ஆண்டு முதல் இதனைச் செய்து வருகிறேன். அரசும் பல்வேறு நடவடிக்கைகள் எடுத்தது. இருப்பினும், இதனை முழுமையாக நடைமுறைப்படுத்த முடியவில்லை.
இதையடுத்து, பொதுமக்களிடம் இதனைக் கொண்டு செல்ல கடந்த 2017ம் ஆண்டு முடிவெடுத்து, ஆகஸ்ட் 22ம் தேதி ஜம்முவில் தொடங்கினேன். ஹிமாச்சலப் பிரதேசம், பஞ்சாப்,சண்டிகர், ஹரியானா, ராஜஸ்தான், குஜராத், மஹாராஷ்டிரா, கோவா, ம.பி, உ.பி, உள்ளிட்ட பல்வேறு மாநிலங்களைக் கடந்து வந்திருக்கிறேன். தற்போது, தமிழகம் வந்தடைந்துள்ளேன். தினமும் 30 முதல் 40 கி.மீ வரை நடந்து கொண்டிருக்கிறேன். பயணத்தின் இறுதியில் டெல்லியில் மிக பெரிய பேரணியை நடத்த உள்ளேன், என்றார்.
அடுத்ததாக, சேலம், திருவண்ணாமலை, விழுப்புரத்தை அடுத்து புதுச்சேரி செல்லவிருக்கிறார் ஆசிஷ். அதனைத் தொடர்ந்து, சென்னை சென்று அங்கிருந்து அந்தமான் நிக்கோபார் செல்லவுள்ளார். மேலும், வரும் மார்ச் 9ம் தேதி தனது பயணத்தை நிறைவு செய்ய உள்ளதாக அவர் தெரிவித்தார்.