நீலகிரி : உலகம் முழுவதும் காதலர் தினம் இன்று கொண்டாடப்பட்டு வரும் நிலையில், உதகையில் ரோஜா பூக்களின் விலை கடுமையாக உயர்ந்துள்ளது.
நீலகிரி : உலகம் முழுவதும் காதலர் தினம் இன்று கொண்டாடப்பட்டு வரும் நிலையில், உதகையில் ரோஜா பூக்களின் விலை கடுமையாக உயர்ந்துள்ளது.
காதலர் தினத்தையொட்டி காதலர்கள் தங்களது அன்பை வெளிப்படுத்தும் வகையில், மலர்கள், வாழ்த்து அட்டைகள், சாக்லேட் மற்றும் பரிசுப் பொருட்கள் என தங்களுக்கு பிடித்தவர்களுக்கு பரிசளித்து மகிழ்வார்கள். மலைகளின் அரசி என்று அழைக்கப்படும் உதகையில் உள்ள சுற்றுலா தலங்களுக்கு காதலர் தினத்தன்று காதலர்கள் அதிகளவில் வருகை தந்தனர். மேலும், புதிதாக திருமணமான தம்பதிகள் உதகைக்கு வந்து தங்களது அன்பை பரிமாறிக் கொண்டனர்.
உதகை அரசு தாவரவியல் பூங்கா, ரோஜா பூங்கா, தொட்டபெட்டா மலைசிகரம், படகு இல்லம், தேயிலை பூங்கா, மரவியல் பூங்கா உள்ளிட்ட சுற்றுலா தலங்களில் இன்று காதலர்கள் கூட்டம் அதிகமாகவே காணப்பட்டது. தற்போதைய காலகட்டத்தில் ஸ்மார்ட் செல்போன்கள் மூலம் வாட்ஸ் அப், முகநூல் உள்ளிட்ட சமூக வலைத்தளங்கள் வழியாக காதலர் தின குறுஞ்செய்தி, புகைப்படங்களை அனுப்பினாலும், ரோஜா பூ மற்றும் வாழ்த்து அட்டைகளைக் கொடுப்பது இன்றும் பெருமை வாய்ந்ததாகக் கருதப்படுகிறது.
உதகையில் பலவகை மலர்கள் மற்றும் கொய்மலர்கள் உற்பத்தி செய்யப்பட்டு வருகிறது. காதலர் தினத்தையொட்டி உதகையில் உள்ள மலர் விற்பனையகங்களில் ரோஜா பூக்கள், கார்னேசன், லில்லியம், புளுடைசி, ஜெர்புரா, ஆர்கிட் மலர்கள் விற்பனைக்குக் கொண்டு வரப்பட்டன. கடந்த ஆண்டு ரோஜா பூ ஒன்றின் விலை ரூ. 15-க்கு விற்பனை ஆனது. இந்த ஆண்டு ரூ. 20 முதல் ரூ. 30 வரை விற்பனை செய்யப்படுகிறது. பெங்களூரு, ஓசூர் உள்ளிட்ட பகுதிகளில் இருந்து உதகைக்கு தாஜ்மஹால் ரோஜா வகை பூக்கள் விற்பனைக்கு வந்து உள்ளது.
மஞ்சள், சிவப்பு, வெள்ளை, பிங்க், ஆரஞ்சு ஆகிய நிறங்களில் ரோஜா பூக்கள் உள்ளன. காதலர் தினத்தையொட்டி உதகையில் ரோஜா பூக்கள் விலை உயர்ந்து காணப்பட்டது. காதலர் தினத்தன்று மனம் கவர்ந்தவர்களுக்கு ரோஜா பூ மற்றும் விதவிதமான பரிசுகளை கொடுத்து தங்களது அன்பையும், காதலையும் வெளிப்படுத்துவார்கள். தாஜ்மகால் ரோஜா பூ உள்ளிட்ட பூக்களை வாங்க காதலர்கள் ஆர்வம் காட்டினர். இதனால், வியாபாரிகள் மகிழ்ச்சி அடைந்தனர்.
காதலர் தினத்தையொட்டி காதலர்கள் தங்களது அன்பை வெளிப்படுத்தும் வகையில், மலர்கள், வாழ்த்து அட்டைகள், சாக்லேட் மற்றும் பரிசுப் பொருட்கள் என தங்களுக்கு பிடித்தவர்களுக்கு பரிசளித்து மகிழ்வார்கள். மலைகளின் அரசி என்று அழைக்கப்படும் உதகையில் உள்ள சுற்றுலா தலங்களுக்கு காதலர் தினத்தன்று காதலர்கள் அதிகளவில் வருகை தந்தனர். மேலும், புதிதாக திருமணமான தம்பதிகள் உதகைக்கு வந்து தங்களது அன்பை பரிமாறிக் கொண்டனர்.
உதகை அரசு தாவரவியல் பூங்கா, ரோஜா பூங்கா, தொட்டபெட்டா மலைசிகரம், படகு இல்லம், தேயிலை பூங்கா, மரவியல் பூங்கா உள்ளிட்ட சுற்றுலா தலங்களில் இன்று காதலர்கள் கூட்டம் அதிகமாகவே காணப்பட்டது. தற்போதைய காலகட்டத்தில் ஸ்மார்ட் செல்போன்கள் மூலம் வாட்ஸ் அப், முகநூல் உள்ளிட்ட சமூக வலைத்தளங்கள் வழியாக காதலர் தின குறுஞ்செய்தி, புகைப்படங்களை அனுப்பினாலும், ரோஜா பூ மற்றும் வாழ்த்து அட்டைகளைக் கொடுப்பது இன்றும் பெருமை வாய்ந்ததாகக் கருதப்படுகிறது.
உதகையில் பலவகை மலர்கள் மற்றும் கொய்மலர்கள் உற்பத்தி செய்யப்பட்டு வருகிறது. காதலர் தினத்தையொட்டி உதகையில் உள்ள மலர் விற்பனையகங்களில் ரோஜா பூக்கள், கார்னேசன், லில்லியம், புளுடைசி, ஜெர்புரா, ஆர்கிட் மலர்கள் விற்பனைக்குக் கொண்டு வரப்பட்டன. கடந்த ஆண்டு ரோஜா பூ ஒன்றின் விலை ரூ. 15-க்கு விற்பனை ஆனது. இந்த ஆண்டு ரூ. 20 முதல் ரூ. 30 வரை விற்பனை செய்யப்படுகிறது. பெங்களூரு, ஓசூர் உள்ளிட்ட பகுதிகளில் இருந்து உதகைக்கு தாஜ்மஹால் ரோஜா வகை பூக்கள் விற்பனைக்கு வந்து உள்ளது.
மஞ்சள், சிவப்பு, வெள்ளை, பிங்க், ஆரஞ்சு ஆகிய நிறங்களில் ரோஜா பூக்கள் உள்ளன. காதலர் தினத்தையொட்டி உதகையில் ரோஜா பூக்கள் விலை உயர்ந்து காணப்பட்டது. காதலர் தினத்தன்று மனம் கவர்ந்தவர்களுக்கு ரோஜா பூ மற்றும் விதவிதமான பரிசுகளை கொடுத்து தங்களது அன்பையும், காதலையும் வெளிப்படுத்துவார்கள். தாஜ்மகால் ரோஜா பூ உள்ளிட்ட பூக்களை வாங்க காதலர்கள் ஆர்வம் காட்டினர். இதனால், வியாபாரிகள் மகிழ்ச்சி அடைந்தனர்.