அதிமுக நாடாளுமன்ற உறுப்பினர்கள் டிடிவி அணிக்கு செல்ல வாய்ப்பில்லை - கோவையில் எம்.பி. கோபாலகிருஷ்ணன் உறுதி

கோவை : டிடிவி தினகரன் அணிக்கு, அதிமுக நாடாளுமன்ற உறுப்பினர்கள் செல்வதற்கான சாத்தியக்கூறு இல்லை என நீலகிரி தொகுதி அதிமுக எம்.பி. கோபாலகிருஷ்ணன் தெரிவித்துள்ளார். 

கோவை விமான நிலையத்தில் நீலகிரி தொகுதி அதிமுக நாடாளுமன்ற உறுப்பினர் கோபால கிருஷ்ணன் செய்தியாளர்களுக்கு பேட்டியளித்தார். அப்போது பேசியதாவது ;- சுற்றுலாத்தளமான நீலகிரிக்கு அதிக ரயில் விட வேண்டும். நீலகிரி அரசு மருத்துவமனை நவீனமயமாக்க வேண்டும் என நாடாளுமன்றத்தில் வலியுறுத்திள்ளேன். அதிமுக நாடாளுமன்ற உறுப்பினர்கள் டிடிவி தினகரன் அணிக்கு செல்வதற்கான சாத்தியக்கூறு இல்லை. 

நாடாளுமன்றத்தில் மூன்றாம் இடத்தில் உள்ள அதிமுக, வரும் தேர்தலில் இரண்டாம் இடம் பெற முயற்சிக்கும். நீலகிரி தொகுதியில், அதிமுக கூட்டணியில் உள்ள மாற்று கட்சி போட்டியிடும் என்பது தவறான தகவல். மேலும், நான் மீண்டும் போட்டியிடுவது குறித்து கட்சி தலைமை தான் முடிவெடுக்கும். நாடாளுமன்றத்தில் கடந்த 5 ஆண்டுகளில் அதிமுக உறுப்பினர்கள் சிறப்பாக செயல்பட்டு உள்ளனர், இவ்வாறு அவர் பேசினார். 

இதையடுத்து, கூட்டணி குறித்த கேள்விக்கு, "தேர்தல் கூட்டணி குறித்து நான் எதுவும் சொல்ல முடியாது. கூட்டணி மற்றும் பாஜக விமர்சனம் தொடர்பான தம்பிதுரையின் கருத்து என்பது அவரது சொந்த கருத்து," என்றார்.