திருப்பூர் : திருப்பூரில் நடைபெற்ற பாஜக பொதுக்கூட்டத்தில் கலந்து கொண்ட பிரதமர் மோடி பல்வேறு திட்டங்களை காணொலி மூலம் தொடங்கி வைத்தார்.
திருப்பூர் : திருப்பூரில் நடைபெற்ற பாஜக பொதுக்கூட்டத்தில் கலந்து கொண்ட பிரதமர் மோடி பல்வேறு திட்டங்களை காணொலி மூலம் தொடங்கி வைத்தார்.
திருப்பூரை அடுத்த பெருமாநல்லூர் பகுதியில் நேற்று மாலை நடைபெற்ற விழாவில் பிரதமர் நரேந்திரமோடி, ஆளுநர் பன்வாரிலால் புரோகித், தமிழக முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம், சபாநாயகர் தனபால், கால்நடை பராமரிப்புத்துறை அமைச்சர் உடுமலை கே.ராதாகிருஷ்ணன், திருப்பூர் எம்.பி. சத்தியபாமா, திருப்பூர் வடக்கு தொகுதி எம்.எல்.ஏ. விஜயகுமார் ஆகியோர் கலந்து கொண்டனர்.
இந்த விழாவில் புதிய திட்டங்களுக்கு பிரதமர் மோடி காணொலி மூலம் அடிக்கல் நாட்டினார். இதையடுத்து, விழா மேடையில் இருந்து, சென்னையில் மெட்ரோ ரெயில் சேவையை காணொலி காட்சி மூலமாக பச்சைக் கொடியசைத்து பிரதமர் தொடங்கி வைத்தார்.
முதற்கட்டமாக, சென்னை டி.எம்.எஸ்-வண்ணாரப்பேட்டை இடையேயான பாதையில் மெட்ரோ ரெயில் போக்குவரத்து சேவையை தொடங்கி வைத்தார். இதையடுத்து, இரண்டாம் கட்டமாக, செயல்படுத்தவுள்ள மெட்ரோ ரயில் பணிகளுக்கு முதற்கட்டத்திற்கு அளித்தது போல 50% நிதி உதவியினை வழங்கிட உரிய நடவடிக்கை எடுக்கக் கோரி, தமிழக முதல்வர் நேற்று பிரதமர் மோடியிடம் கடிதம் கொடுத்தார்.
மேலும், பிரதமர் மோடி, திருப்பூரில் ரூ.75 கோடி மதிப்பில் நவீன வசதிகளுடன் 100 படுக்கை வசதி கொண்ட இ.எஸ்.ஐ. மருத்துவமனை கட்டுமான பணி, திருச்சி விமான நிலையத்தில் புதிதாக கட்டப்பட இருக்கும் ஒருங்கிணைந்த கட்டிடம், சென்னை கே.கே.நகரில் நவீன வசதிகளுடன் கூடிய இ.எஸ்.ஐ. மருத்துவக்கல்லூரி மற்றும் 470 படுக்கை வசதி கொண்ட இ.எஸ்.ஐ. மருத்துவமனை ஆகிய திட்டங்களை தொடங்கி வைத்தார்.
அதே போலவே, எண்ணூர் கடற்கரையில் உள்ள (பாரத் பெட்ரோலியம் கார்ப்பரேஷன்) பி.பி.சி.எல் முனையம், சென்னை துறைமுகத்தில் இருந்து மணலியில் உள்ள சென்னை பெட்ரோலியம் கார்ப்பரேஷன் நிறுவனத்துக்கு (சி.பி.சி.எல்.) குழாய் மூலம் கச்சா எண்ணெய் கொண்டு செல்லும் திட்டங்களை தொடங்கி வைத்தார்.
திருப்பூரை அடுத்த பெருமாநல்லூர் பகுதியில் நேற்று மாலை நடைபெற்ற விழாவில் பிரதமர் நரேந்திரமோடி, ஆளுநர் பன்வாரிலால் புரோகித், தமிழக முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம், சபாநாயகர் தனபால், கால்நடை பராமரிப்புத்துறை அமைச்சர் உடுமலை கே.ராதாகிருஷ்ணன், திருப்பூர் எம்.பி. சத்தியபாமா, திருப்பூர் வடக்கு தொகுதி எம்.எல்.ஏ. விஜயகுமார் ஆகியோர் கலந்து கொண்டனர்.
இந்த விழாவில் புதிய திட்டங்களுக்கு பிரதமர் மோடி காணொலி மூலம் அடிக்கல் நாட்டினார். இதையடுத்து, விழா மேடையில் இருந்து, சென்னையில் மெட்ரோ ரெயில் சேவையை காணொலி காட்சி மூலமாக பச்சைக் கொடியசைத்து பிரதமர் தொடங்கி வைத்தார்.
முதற்கட்டமாக, சென்னை டி.எம்.எஸ்-வண்ணாரப்பேட்டை இடையேயான பாதையில் மெட்ரோ ரெயில் போக்குவரத்து சேவையை தொடங்கி வைத்தார். இதையடுத்து, இரண்டாம் கட்டமாக, செயல்படுத்தவுள்ள மெட்ரோ ரயில் பணிகளுக்கு முதற்கட்டத்திற்கு அளித்தது போல 50% நிதி உதவியினை வழங்கிட உரிய நடவடிக்கை எடுக்கக் கோரி, தமிழக முதல்வர் நேற்று பிரதமர் மோடியிடம் கடிதம் கொடுத்தார்.
மேலும், பிரதமர் மோடி, திருப்பூரில் ரூ.75 கோடி மதிப்பில் நவீன வசதிகளுடன் 100 படுக்கை வசதி கொண்ட இ.எஸ்.ஐ. மருத்துவமனை கட்டுமான பணி, திருச்சி விமான நிலையத்தில் புதிதாக கட்டப்பட இருக்கும் ஒருங்கிணைந்த கட்டிடம், சென்னை கே.கே.நகரில் நவீன வசதிகளுடன் கூடிய இ.எஸ்.ஐ. மருத்துவக்கல்லூரி மற்றும் 470 படுக்கை வசதி கொண்ட இ.எஸ்.ஐ. மருத்துவமனை ஆகிய திட்டங்களை தொடங்கி வைத்தார்.
அதே போலவே, எண்ணூர் கடற்கரையில் உள்ள (பாரத் பெட்ரோலியம் கார்ப்பரேஷன்) பி.பி.சி.எல் முனையம், சென்னை துறைமுகத்தில் இருந்து மணலியில் உள்ள சென்னை பெட்ரோலியம் கார்ப்பரேஷன் நிறுவனத்துக்கு (சி.பி.சி.எல்.) குழாய் மூலம் கச்சா எண்ணெய் கொண்டு செல்லும் திட்டங்களை தொடங்கி வைத்தார்.