உதகை ஸ்பீடு படகில் சவாரி செய்ய அதீத ஆர்வம் காட்டும் சுற்றுலாப்பயணிகள்

நீலகிரி : உதகை பைக்காரா படகு இல்லத்தில் ஸ்பீடு படகில் சவாரி செய்ய சுற்றுலாப்பயணிகள் அதிக ஆர்வம் காட்டுகின்றனர்.

உதகையில்  நிலவும் குளு, குளு காலநிலை அனுபவிப்பதற்காகச் சுற்றுலாப்பயணிகள் வரத் தொடங்கியுள்ளனர். தொட்டபெட்டா மலை சிகரத்தில் சுற்றுலாப் பயணிகள் வருகை அதிகரித்து இருந்தது. அங்குள்ள காட்சி முனையில் இருந்து மேட்டுப்பாளையம், குன்னுார், உதகை நகரம், கர்நாடகா மாநில எல்லை, அணைகள் போன்றவற்றை தொலைநோக்கி மூலம் சுற்றுலா பயணிகள் பார்த்து மகிழ்ந்து வருகின்றனர். 



இதே போல், உதகை  படகு இல்லம், ரோஜா பூங்கா, பைக்காரா படகு இல்லம், பைக்காரா நீர்வீழ்ச்சி, சூட்டிங்மட்டம் உள்ளிட்ட சுற்றுலா ஸ்தலங்களிலும் சுற்றுலா பயணிகளின் கூட்டம் அதிகளவில் காணப்பட்டது. குறிப்பாக, பைக்காரா படகு இல்லத்தில், 'ஸ்பீடு  படகு சவாரி செய்ய சுற்றுலாப் பயணிகள் ஆர்வம் காட்டி வருகின்றனர். 



இது குறித்து அதிகாரிகள் கூறும் போது பைக்கார படகு இல்லத்திற்கு வரும் சுற்றுலாப் பயணிகளில் பெரும்பாலான இளைஞர்கள் ஸ்பீடு படகுகளில் பயணம் செய்வதையை அதிகம் விரும்புகின்றனர். இவர்களின் தேவையை பூர்த்தி செய்யும் வகையில் கூடுதலாக ஸ்பீடு படகு இயக்க நடவடிக்கை எடுக்கப்படும் என்றனர்.