கோவையில் இறுதி வாக்காளர் பட்டியலை வெளியிட்டார் மாவட்ட வருவாய் அலுவலர்

கோவை : கோவையில் இறுதி வாக்காளர் பட்டியலை மாவட்ட வருவாய் அலுவலர் ரவிச்சந்திரன் வெளியிட்டார். 



கோவை மாவட்டத்தில் உள்ள 10 சட்டமன்ற தொகுதிகளில் உள்ள வாக்காளர் இறுதி பட்டியலை மாவட்ட வருவாய் அலுவலர் துரை ரவிசந்திரன் (மாவட்ட ஆட்சியர் பொறுப்பு) வெளியிட்டார். இந்தப் பட்டியலில், ஆண் வாக்காளர்கள் 1,417,683 பேரும் பெண் வாக்காளர்கள் 14,43,967 பேரும் மூன்றாம் பாலினத்தவர் 311 பேரும் என 28,61,962 பேர் என வாக்காளர்கள் இடம் பெற்றுள்ளனர். 

இது குறித்து மாவட்ட வருவாய் அலுவலர் துரை ரவிசந்திரன் கூறும்போது, இறுதி வாக்காளர் பட்டியலானது வட்டாச்சியர் அலுவலகம், கோட்டாச்சியர் அலுவலகம், மாநகராட்சி மண்டல அலுவலகம், நகராட்சி அலுவலகம் ஆகிய இடங்களில் மக்கள் பார்வைக்காக வைக்கப்படும், என்றார். 

இந்த வாக்காளர் பட்டியல் வெளியிடும் நிகழ்வில், திமுக சார்பில் மாநகர மாவட்ட செயலாளரும் சிங்காநல்லூர் சட்டமன்ற உறுப்பினருமான நா.கார்த்திக், மாவட்ட பொறுப்பு குழு உறுப்பினர் நாச்சிமுத்து, அதிமுக சார்பில் வழக்கறிஞர் ராஜேந்திரன், சி.பி.ஐ.சார்பில் தங்கவேல், சி.பி.எம்.சார்பில் ராமமூர்த்தி, காங்கிரஸ் கட்சி சார்பில் கார்த்தி உள்ளிட்டோர் பங்கேற்றனர். 

மேலும், இந்த வாக்காளர் பட்டியல் வெளியீட்டின் போது வருவாய் கோட்டாட்சியர்கள் கார்மேகம், தனலிங்கம் மாநகராட்சி துணை ஆணையாளர் காந்திமதி, மாவட்ட ஆட்சியரின் நேர்முக உதவியாளர் (தேர்தல் பிரிவு) ராஜ்குமார் உள்ளிட்டோர் உடன் இருந்தனர்.