கோவை : ஜாக்டோ ஜியோ போராட்டம் காரணமாக, கோவையில் மாநகராட்சிக்குட்பட்ட பள்ளியில் எம்.எல்.ஏ. அம்மன் அர்ச்சுணன் மாணவர்களுக்கு பாடம் நடத்திய நிகழ்வு அனைவரிடத்திலும் பாராட்டை பெற்றது.
கோவை : ஜாக்டோ ஜியோ போராட்டம் காரணமாக, கோவையில் மாநகராட்சிக்குட்பட்ட பள்ளியில் எம்.எல்.ஏ. அம்மன் அர்ச்சுணன் மாணவர்களுக்கு பாடம் நடத்திய நிகழ்வு அனைவரிடத்திலும் பாராட்டை பெற்றது.
9 அம்ச கோரிக்கைகளை வலியுறுத்தி ஜக்டோ - ஜியோ அமைப்பினர் 3-வது நாளாக போராட்டத்தில் ஈடுபட்டு வருகின்றனர். இதனால், ஆசிரியர்கள் பணிக்கு வராததால், மாவட்டத்தில் பல பள்ளிகள் பூட்டியே கிடக்கின்றன. திறக்கப்பட்ட பல பள்ளிகளிலும் ஆசிரியர்கள் இல்லாத நிலை உள்ளது. இதனிடையே, கோவை கெம்பட்டி காலனி பகுதியில் மாநகராட்சி பள்ளியில் மாணவர்கள் வந்திருந்த போதும், ஆசிரியர்கள் பணிக்கு வரவில்லை.
இதனை அறிந்த கோவை தெற்கு தொகுதி சட்டமன்ற உறுப்பினர் அம்மன் அர்ச்சுணன், பள்ளிக்கு சென்று மாணவர்களுக்கு பாடம் நடத்தினார். புதிதாக தொடங்கப்பட்ட எல்.கே.ஜி, யு.கே.ஜி மாணவர்களுக்கு உயிரெழுத்துக்கள் மற்றும் ஆங்கில எழுத்துக்களை சொல்லி கொடுத்தார். மேலும், மாணவர்களை எழுதிக் காட்ட சொல்லியும், வாசிக்க சொல்லவும் வைத்தார். இந்தக் காட்சிகள் வெளியாகிய நிலையில், அவருக்கு பல்வேறு தரப்பினர் பாராட்டுக்களை தெரிவித்து வருகின்றனர்.