குன்னுார் வெலிங்டன் ராணுவ பயிற்சி கல்லுாரியில் புதிய கமாண்டன்ட் பதவியேற்பு

நீலகிரி: குன்னுார் வெலிங்டன் ராணுவ பயிற்சி கல்லுாரியில் புதிய கமாண்டன்ட்டாக லெப்டினன்ட் ஜெனரல் மோகன் பதவியேற்றார். 

நீலகிரி மாவட்டம், குன்னுார் வெலிங்டன் ராணுவ பயிற்சி கல்லுாரியில், உள்நாடு மட்டுமின்றி வெளிநாடுகளைச் சேர்ந்த ராணுவ உயர் அதிகாரிகளுக்கு பயிற்சி அளிக்கப்பட்டு வருகிறது. கடந்த 3 ஆண்டுகளாக கல்லுாரியின் கமாண்டென்ட் லெப்டினன்ட் ஜெனரலாக பணியாற்றிய அம்ரிக் சிங் பணி ஓய்வு பெற்றார். இதனைத் தொடர்ந்து ஆந்திர மாநிலத்தை சேர்ந்த, லெப்., ஜெனரல் மோகன் புதிய கமாண்டன்ட்டாக பொறுப்பேற்றார். 



இதற்கான நிகழ்ச்சியில், லெப்டினன்ட் ஜெனரல் அம்ரிக் சிங் பங்கேற்று, ராணுவ முறைப்படி பணியை புதிய 'கமாண்டன்ட்'டிடம் ஒப்படைத்தார். கடந்த 37 ஆண்டுகளாக ராணுவத்தில் பணியாற்றி வரும் லெப்., ஜெனரல் மோகன், தேசிய பாதுகாப்பு அகாடமி, ராணுவ பயிற்சி கல்லுாரியில் பல்வேறு பொறுப்புகளில் ஏற்கனவே பணியாற்றியுள்ளார். 

மேலும், இவர் டில்லி தேசிய பாதுகாப்பு கல்லுாரி தலைமை பொறுப்பாளராகவும், நேபாளத்தில் இந்திய துாதகரகத்திலும் பணியாற்றியுள்ளார். மேலும், சியாச்சின் கிளேசியர், 9 -வது 'கார்ப்' படையிலும், எல்லை பகுதிகளிலும் பல்வேறு பிரிவுகளில் திறம்பட பணியாற்றியுள்ளார்.