கோவை : தடைசெய்யப்பட்ட பிளாஸ்டிக் பொருட்களை பொதுமக்கள் சேமித்து வைக்காமல் அந்தந்த மாநகராட்சி, பேரூராட்சி, ஊராட்சி அமைப்புகளிடம் ஒப்படைக்குமாறு மாவட்ட ஆட்சியர் அறிக்கை ஒன்றை வெளியிட்டுள்ளார்.
கோவை : தடைசெய்யப்பட்ட பிளாஸ்டிக் பொருட்களை பொதுமக்கள் சேமித்து வைக்காமல் அந்தந்த மாநகராட்சி, பேரூராட்சி, ஊராட்சி அமைப்புகளிடம் ஒப்படைக்குமாறு மாவட்ட ஆட்சியர் அறிக்கை ஒன்றை வெளியிட்டுள்ளார்.
அந்த அறிக்கையில் கூறியிருந்ததாவது :- தமிழகத்தில் 2019 ஆம் ஆண்டு ஜனவரி 1 -ம் தேதி முதல் பிளாஸ்டிக் பொருட்கள் உபயோகத்திற்குத் தடை விதிக்கப்பட்டுள்ளது. இந்த உத்தரவைக் கடந்த ஜூன் மாதம் 25 -ம் தேதி சுற்றுச்சூழல் மற்றும் வனப்பாதுக்காப்புத்துறை பிளாஸ்டிக் தடை உத்தரவை வெளியிட்டுள்ளது. ஆகையால், முதல்வர் எடப்பாடி பழனிசாமி கடந்த வருடம் 23 -ம் தேதி ஆகஸ்ட் மாதம் தலைமைச் செயலகத்தில் 'பிளாஸ்டிக் மாசில்லா தமிழ்நாடு' உருவாக்கிட மாநில அளவில் பிரச்சாரத்தினை தொடங்கி வைக்கும் விதமாக, அதற்கான லச்சினையை அறிமுகம் செய்து வைத்தார்.
மேலும், பிரச்சாரத்திற்கான குறும்படம், இணையதளத்தையும் வெளியிட்டார். அப்போது, ‘பிளாஸ்டிக் மாசில்லா தமிழ்நாடு’ பிரச்சாரத்தின் விளம்பரத் தூதுவராக திரைப்பட நடிகர் விவேக் நியமிக்கப்பட்டார். இதையடுத்து, தமிழ்நாடு மாசு கட்டுப்பாட்டு வாரியத்தால் பிளாஸ்டிக் உற்பத்தியாளர்கள் மற்றும் இதர சங்கத்தினருடன் நவம்பர் 14 -ம் தேதி அவர்களின் சந்தேகங்களுக்கு விளக்கம் அளிக்கப்பட்டது.
அதன் தொடர்ச்சியாக, கடந்த டிசம்பர் 25 -ம் தேதி துணை முதலமைச்சர் அந்தந்த மாவட்ட ஆட்சியர்களுடன் விழிப்புணர்வு கூட்டத்தினை நடத்தினார். இதையடுத்து, மாநிலமெங்கும் சுற்றுச்சூழல் கூட்டங்கள் மாவட்ட ஆட்சியரின் கீழ் நடைபெற்றது. பல்வேறு வகையான விழிப்புணர்வு பேரணிகளும் நடைபெற்றன. இந்த விழிப்புணர்வின் ஒரு பகுதியாக கடந்த ஜனவரி 10 -ம் தேதி பிளாஸ்டிக் தடை குறித்த விழிப்புணர்வு பிரச்சாரயை ஊர்தி சேவையை தமிழக முதல்வர் எடப்பாடி தொடங்கி வைத்தார்.
இது போன்ற பல்வேறு விழிப்புணர்வை அரசு அளித்த போதும் மக்களின் ஆதரவு அதற்கு தேவைப்படுகிறது. எனவே, தடை செய்யப்பட்ட பிளாஸ்டிக் பொருட்களை கண்ட இடங்களில் தூக்கி எறியாமல், அவற்றை உள்ளாட்சி அமைப்புகள் அல்லது பதிவு செய்யப்பட்ட மறுசுழற்சி நிறுவனங்களிடம் ஒப்படைப்பதன் மூலம் பிளாஸ்டிக் மாசுக்களை குறைக்க முடியும்.
எனவே, இது குறித்த தகவல்களை அறிந்து கொள்ள பின்வரும் வலைதளம் மற்றும் ஹெல்ப் லைனை தொடர்பு கொள்ளலாம்.
மாவட்ட தலைமை அலுவலகம் : 044- 22343153/ 8056042121, www.plasticpollutionfreetn.org, 8056042218 (கோவை தெற்கு), 8056042210 (கோவை வடக்கு), 0424-2675608 (மாவட்ட சுற்றுச்சூழல் பொறியாளர், கோவை தெற்கு), 0422 -2444608 (மாவட்ட சுற்றுச்சூழல் பொறியாளர், கோவை வடக்கு)இவ்வாறு அதில் கூறப்பட்டிருந்தது.