மூத்த குடிமக்களுக்காக உணவுப் பொருட்களை சேகரிக்கும் கோவை இன்னர் வீல் கிளப்

கோவை : கோவையில் உள்ள முதியோர் இல்லங்களில் இருக்கும் மூத்த குடிமக்களுக்கு உணவு வழங்கும் விதமாக, மாவட்டத்தின் பல்வேறு இடங்களில் உணவுப் பொருட்கள் சேகரிப்பு மையங்களை கோவை இன்னர் வீல் கிளப் அமைத்துள்ளது.



இதற்காக கோவை மாநகரில் உள்ள முக்கிய அல்லது பிரபலமான வணிக வளாகங்களில் உணவு சேகரிக்கும் பெட்டிகள் அமைக்கப்பட்டுள்ளது. இந்தப் பெட்டிகளில், அரிசி, பருப்பு, ஆயில், சர்க்கரை மற்றும் பழங்களை பொதுமக்கள் வைத்து உதவலாம். இந்தப் பெட்டியில் இருக்கும் பொருட்கள் வரும் 14-ம் தேதி எடுக்கவிருக்கிறது. அதில் உள்ள பொருட்கள் கோவை மாவட்டத்தில் உள்ள முதியோர் இல்லங்களில் இருக்கும் மூத்த குடிமக்களுக்கு வழங்கப்படும். 



கோவை இன்னர் வீல் கிளப், நேஷனல் மாடல் பள்ளி சங்கத்துடன் இணைந்து பணியாற்றுகிறது. அந்தப் பள்ளியிலும் இந்த உணவுப் பொருட்கள் சேகரிப்பு பெட்டி வைக்கப்பட்டுள்ளது. 

உணவுப் பொருட்கள் சேகரிப்பு பெட்டி வைக்கப்பட்டுள்ள இடங்கள் : 

• நீல்கிரிஸ், ஆர்.எஸ்.புரம்

• பழமுதிர் நிலையம், கோவை அரசு கலை கல்லூரி சாலை

• பழமுதிர் நிலையம், சென்ட்ரல் ஸ்டுடியோ, திருச்சி சாலை

• பழமுதிர் நிலையம், அவிநாசி சாலை, ஜிடி அருங்காட்சியகம் அருகில்

• குமார் ஸ்டோர்ஸ், சாய்பாபா காலனி

• பழமுதிர் நிலையம், துடியலூர்

• நேஷனல் மாடல் பள்ளி, பீளமேடு

• ரகேஜா குடியிருப்பு, பந்தயசாலை