கோவை: கோவை விழா கொண்டாட்டத்தின் ஒரு பகுதியாக மாவட்ட ஓட்டல்கள் சங்கம் நடத்தும் "ஈட் ஸ்ட்ரீட்" உணவு திருவிழா கொடிசியா மைதானத்தில் இன்று தொடங்கி நடைபெற்று வருகிறது.
கோவை: கோவை விழா கொண்டாட்டத்தின் ஒரு பகுதியாக மாவட்ட ஓட்டல்கள் சங்கம் நடத்தும் "ஈட் ஸ்ட்ரீட்" உணவு திருவிழா கொடிசியா மைதானத்தில் இன்று தொடங்கி நடைபெற்று வருகிறது.
11 -வது கோவை விழா இன்று தொடங்கி வரும் 12-ம் தேதி வரை நடைபெறுகிறது. ஒவ்வொரு நாளும் பல்வேறு கலை நிகழ்ச்சிகள், போட்டிகள் மற்றும் பொழுதுபோக்கு நிகழ்ச்சிகள் இந்த விழாவில் இடம்பெறுகின்றன.
இதன் ஒரு பகுதியாக கோவை மாவட்ட ஓட்டல்கள் சங்கம் நடத்தும் "ஈட் ஸ்ட்ரீட்" என்ற உணவு திருவிழா இன்று தொடங்கியது. வரும் 6-ம் தேதி வரை கொடிசியா மைதானத்தில் நடைபெறும் இந்த உணவு திருவிழாவை இன்று மாலை 5 மணிக்கு கோவை மாநகராட்சி ஆணையர் விஜய கார்த்திகேயன் மற்றும் காவல் ஆணையர் சுமித்சரன் ஆகியோர் ரிப்பன் வெட்டித் தொடங்கி வைத்தனர்.
கோவையைச் சேர்ந்த நூற்றுக்கும் மேற்பட்ட உணவகங்கள் இதில் கலந்து கொண்டு ஸ்டால்கள் அமைத்துள்ளனர். இதனுடன் தினமும் குழந்தைகளுக்கு பல்வேறு விளையாட்டுப் போட்டிகள் நடத்தி பரிசுகள் வழங்கப்படும் என்றும் அறிவிக்கப்பட்டுள்ளது.
உணவு திருவிழாவுக்கு தற்போது முதலே பொதுமக்களின் வருகை அதிகரித்துள்ளது.
