தமிழகம் முழுவதும் வரும் 8 மற்றும் 9-ம் தேதிகளில் டாஸ்மாக் ஊழியர்கள் வேலைநிறுத்தப் போராட்டம்

கோவை: தமிழகம் முழுவதும் வரும் 8 மற்றும் 9ம் தேதிகளில் டாஸ்மாக் ஊழியர்கள் வேலைநிறுத்தப் போராட்டம் நடத்தப்போவதாக அறிவிக்கப்பட்டுள்ளது.

பணிவரன்முறை, காலமுறை ஊதியம் உள்ளிட்ட கோரிக்கைகளை வலியுறுத்தி இந்த வேலைநிறுத்தப் போராட்டம் அறிவிக்கப்பட்டுள்ளது. இது தொடர்பாக செய்தியாளர்களைச் சந்தித்த டாஸ்மாக் தொழிலாளர் முன்னேற்ற சங்கத் தலைவர் ராஜவேல் கூறியதாவது:- தொ.மு.ச உட்பட 11 சங்கங்கள் ஒருங்கிணைந்து வேலைநிறுத்தப் போராட்டத்தில் ஈடுபடுகின்றனர். 27 ஆயிரம் ஊழியர்கள் பங்கேற்க உள்ளனர். 6 ஆயிரம் டாஸ்மாக் கடைகள் மூடப்படும், இவ்வாறு அவர் தெரிவித்தார். 

முன்னதாக, டாஸ்மாக் தலைமை அலுவலகத்தில் மேலாண்மை இயக்குநரிடம் வேலைநிறுத்த நோட்டீஸ் தரப்பட்டுள்ளது குறிப்பிடத்தக்கது.