பசுமையான வளாகங்களைக் கொண்ட கோவை மற்றும் திருப்பூர் கல்வி நிறுவனங்களுக்கு என்.சி.எஸ். விருது

கோவை : இயற்கையைப் பாதுகாக்கும் நோக்கில், கோவை மற்றும் திருப்பூரைச் சேர்ந்த கல்வி நிறுவனங்கள் மற்றும் தொழில்நிறுவனங்களுக்கு இடையே என்.சி.எஸ். விருதுக்கான போட்டியை இயற்கை பாதுகாப்பு சங்கம் நடத்துகிறது. 

பசுமையான சுற்றுச்சூழலை ஊக்குவிக்கும் வகையிலும், இயற்கையைப் பாதுகாக்கும் நோக்கில் இயற்கை பாதுகாப்பு சங்கம் விநோதமான போட்டியை அறிவித்துள்ளது. அதாவது, கோவை மற்றும் திருப்பூர் மாவட்டங்களில் பசுமையான வளாகங்களைக் கொண்டிருக்கும் பள்ளி, கல்லூரி மற்றும் தொழில்நிறுவனங்கள் இந்தப் போட்டியில் பங்கேற்கலாம். இதில், சிறந்தவையாக தேர்வு செய்யப்படும் நிறுவனங்களுக்கு என்.சி.எஸ். விருது வழங்கப்படும். இந்தப் போட்டியில் பங்கேற்க விரும்பும் நிறுவனங்கள் வரும் 10-ம் தேதிக்குள் பெயர்களை முன்பதிவு செய்ய வேண்டும். 

"சுற்றுச்சூழல் மற்றும் இயற்கை பாதுகாப்பில் அனுபவம் வாய்ந்த நடுவரால் வெற்றியாளர் தேர்வு செய்யப்படுவார். மேலும், வெற்றியாளர்கள் சுற்றுச்சூழல் நடவடிக்கைகள், சுற்றுச்சூழலின் தாக்கம் போன்றவற்றை மட்டும் அல்லாமல், பல்வேறு அடிப்படைகளைக் கொண்டு தேர்வு செய்யப்படுவார்கள்," இவ்வாறு கூறினர் ஒருங்கிணைப்பாளர்கள்.

இந்தப் போட்டியில் பங்கேற்க ஆர்வமுள்ள பள்ளி, கல்லூரி மற்றும் தொழில்நிறுவனங்கள், 9442359292, 9967636921 ஆகிய எண்களை தொடர்பு கொள்ளலாம்.