கோவை, நீலகிரியில் இன்று இடியுடன் கூடிய மழைக்கு வாய்ப்பு

கோவை : கோவை, நீலகிரி மற்றும் தமிழகத்தின் உள் மாவட்டங்களில் இன்று இடியுடன் கூடிய மழைக்கு வாய்ப்பு இருப்பதாக அறிவிக்கப்பட்டுள்ளது. 

மாவட்டத்தின் பல்வேறு பகுதிகளில் நேற்று பெய்த மழை அளவின் படி மொத்தம் 399.70 மி.மீ மழை பதிவாகியுள்ளது. 

ஒவ்வொரு பகுதிகளிலும் பெய்த மழை அளவின் விவரம் பின்வருமாறு :- 

அன்னூர் 6 மி.மீ, பீளமேடு 23.10 மி.மீ, மேட்டுப்பாளையம் 20 மி.மீ, பொள்ளாச்சி 20 மி.மீ, பெரியநாயக்கன்பாளையம் 7 மி.மீ, சூலூர் 4.20 மி.மீ, வேளாண் பலகலை., 67.40 மி.மீ, சின்கோனா 25 மி.மீ, பரம்பிக்குளம் நீர்த் தேக்க பகுதி 99 மி.மீ, வால்பாறை 97 மி.மீ.

மாவட்டத்தில் சராசரி அளவாக 33.47 மி.மீ மழை பதிவாகியுள்ளது.

இந்த நிலையில், இன்றும் கோவையில் இடியுடன் கூடிய மழை பெய்யும் என்று அறிவிக்கப்பட்டுள்ளது. கோவை மட்டுமல்லாது, நீலகிரி, திண்டுக்கல், தேனி, மதுரை மற்றும் விருதுநகர் பகுதியிலும் இடியுடன் கூடிய மழை பெய்யும் என்று அறிவிப்பு வெளியாகியுள்ளது.

மேலும், ஈரோடு, சேலம் மற்றும் தமிழகத்தின் உள் மாவட்டங்களில் லேசான மழைக்கு வாய்ப்பு இருப்பதாகவும் அறிவிக்கப்பட்டுள்ளது.