கோவை இந்திய மருத்துவ கூட்டமைப்பு நடத்தும் மாரத்தான்

கோவை : உலக ஆரோக்கிய தினம் மற்றும் புற்றுநோய் விழிப்புணர்வு ஆகியவற்றை முன்னிட்டு கோவை இந்திய மருத்துவ கூட்டமைப்பின் சார்பில் வரும் 29-ம் தேதி மாரத்தான் மற்றும் வாக்கத்தான் போட்டிகள் நடைபெறுகின்றன. 



இது தொடர்பாக கோவை இந்திய மருத்துவ கூட்டமைப்பின் தலைவர் ஆர்.டி. வினோத் ராஜ்குமார் கூறுகையில், "உலகளவில் புற்றுநோயால் பாதிக்கப்படுபவர்களின் எண்ணிக்கை நாளுக்குநாள் அதிகரித்துக் கொண்டே செல்கிறது. குறிப்பாக, குழந்தைகள் அதிகளவில் பாதிக்கப்படுகின்றனர். இதில், சிறப்பான விஷயம் என்னவெனில், குழந்தைகளை தாக்கும் புற்றுநோயின் 70 சதவீத நோய் தாக்கத்தை குணப்படுத்த முடியும். இந்த நிலையில், புற்றுநோய் குறித்து விழிப்புணர்வை ஏற்படுத்தவும், உலக ஆரோக்கிய தினத்தை முன்னிட்டும் வரும் 29-ம் தேதி மாரத்தான் மற்றும் வாக்கத்தான் போட்டிகளுக்கு ஏற்பாடு செய்யப்பட்டுள்ளது," என்றார்.



(5 கி.மீ மற்றும் 10 கி.மீ.) மரத்தான், (3 கி.மீ) வாக்கத்தான் போட்டிகளில், தங்களது உறுப்பினர்கள் மற்றும் மாணவர்கள் என சுமார் 1,200 பேர் பங்கேற்பார்கள் என எதிர்பார்க்கப்படுகிறது. இதில், பங்கேற்க வருபவர்களுக்கு ரூ. 600-ம், கோவை இந்திய மருத்துவ கூட்டமைப்பின் உறுப்பினர்களுக்கு ரூ. 500-ம், மாணவர்களுக்கு ரூ. 300-ம் கட்டணமாக நிர்ணயிக்கப்பட்டுள்ளது.