3 எபிலெப்ஷி அறுவை சிகிச்சைகளை வெற்றிகரமாக செய்து முடித்த பி.எஸ்.ஜி. மருத்துவமனை

கோவை: கோவையில் உள்ள பி.எஸ்.ஜி. மருத்துவமனையைச் சேர்ந்த மருத்துவர்கள் எபிலெப்ஷி அறுவை சிகிச்சைகள் வெற்றிகரமாக செய்து முடித்து சாதனை படைத்தனர்.

எபிலெப்ஷி என்பது மனித மூளையின் ஒரு பகுதி செயலற்று கிடப்பதாகும். இந்த நோயால், சிறுவன் உள்பட 3 பேர் பாதிக்கப்பட்டு அவதிப்பட்டு வந்தனர். இந்த நிலையில், 3 மாத தொடர் கண்காணிப்புக்குப் பிறகு, மூவருக்கும் வெற்றிகரமாக அறுவை சிகிச்சை மேற்கொள்ளப்பட்டது. இதில், 3 பேரும் நல்ல உடல்நலத்துடன் இருக்கின்றனர்.

இது தொடர்பாக பி.எஸ்.ஜி. மருத்துவமனையின் நரம்பியல் மற்றும் மருந்தியல்துறை மருத்துவர் ராஜேஷ் சங்கர் ஐயர் கூறுகையில், " இந்த அறுவை சிகிச்சைகளானது, தகுதியான நோயாளிகளுக்கு மட்டுமே செய்யப்படும். அறுவை சிகிச்சைக்கு பிறகு, நோயாளி இயல்பான வாழ்க்கையை வாழ முடியும். இந்த சிகிச்சை முறை குறித்தும், அதன் பயன்பாடுகள் பற்றியும் போதிய விழிப்புணர்வு பொதுமக்களிடம் இல்லை," என்றார்.