கோவை மாவட்ட அணைகளின் நீர்மட்டம் உயர்வு

Coimbatore: தென்மேற்கு பருவமழை காரணமாக கோவை மாவட்டத்தில் உள்ள முக்கிய அணைகளின் நீர்மட்டம் தொடர்ந்து உயர்ந்து வருவதாக நீர்வளத்துறை அதிகாரிகள் தெரிவித்துள்ளனர்.




ஆனைமலையை அடுத்துள்ள ஆழியாறு அணையின் மொத்த கொள்ளளவு 120 அடியாகும். அணையின் நீர்பிடிப்பு பகுதிகளில் பெய்த மழையின் நீர்வரத்தால், ஜூலை 17 நிலவரப்படி நீர்மட்டம் 56.2 அடியாக உள்ளது. அணைக்கு வினாடிக்கு 301 கன அடி நீர்வரத்து பதிவாகியுள்ளது. தற்போது அணையில் இருந்து வினாடிக்கு 227 கன அடி நீர் வெளியேற்றப்பட்டு வருகிறது.




பொள்ளாச்சியை அடுத்துள்ள பரம்பிக்குளம் அணையின் மொத்த கொள்ளளவு 72 அடியாகும். அணையின் நீர்பிடிப்பு பகுதிகளில் தென்மேற்கு பருவமழை தொடர்ந்து பெய்து வருவதால், ஜூலை 17 தேதி நிலவரப்படி நீர்மட்டம் 19.28 அடியாக உயர்ந்துள்ளது. அணைக்கு வினாடிக்கு 1,172 கன அடி நீர்வரத்து பெருகி வருகிறது. அணையில் இருந்து வினாடிக்கு 810 கன அடி நீர் வெளியேற்றப்பட்டு வருகிறது.




வால்பாறையில் அமைந்துள்ள சோலையாறு அணையின் மொத்த கொள்ளளவு 160 அடியாகும். அணையின் நீர்பிடிப்பு பகுதிகளில் பெய்த மழையின் நீர்வரத்தால், ஜூலை 17 நிலவரப்படி நீர்மட்டம் 91.92 அடியாக பதிவாகியுள்ளது. அணைக்கு வினாடிக்கு 811 கன அடி நீர்வரத்து உள்ளது. அணையில் இருந்து வினாடிக்கு 1,355 கன அடி நீர் வெளியேற்றப்பட்டு வருகிறது என நீர்வளத்துறை அதிகாரிகள் தெரிவித்துள்ளனர்.




தென்மேற்கு பருவமழை தொடர்ந்து சீராக பெய்து வருவதால், மாவட்டத்தின் முக்கிய அணைகளான ஆழியாறு, பரம்பிக்குளம் மற்றும் சோலையாறு அணைகளின் நீர்மட்டம் படிப்படியாக உயர்ந்து வருகிறது. இது விவசாயிகளுக்கும், குடிநீர் தேவைக்கும் நல்ல செய்தியாக அமைந்துள்ளது.