செயற்கை நுண்ணறிவு அடிப்படையிலான குப்பை மேலாண்மை திட்டத்துக்கு தேசிய அளவில் முதலிடம் பெற்றது ஶ்ரீ ராமகிருஷ்ணா மகளிர் கல்லூரி

Coimbatore: தேசிய அளவிலான Hackathon போட்டியில் கோயம்புத்தூர் ஶ்ரீ ராமகிருஷ்ணா மகளிர் கலை அறிவியல் கல்லூரி முதலிடத்தை வென்றதுடன், திட்டத்தை செயல்படுத்துவதற்காக ஒரு லட்சம் ரூபாய் நிதியுதவியையும் பெற்றுள்ளது. செயற்கை நுண்ணறிவை பயன்படுத்தி குப்பைகளை தரம் பிரிக்கும் புதுமையான திட்டத்தை உருவாக்கிய மாணவிகளுக்கு இந்த சிறப்பான வெற்றி கிடைத்துள்ளது.

முன்னதாக பிப்ரவரி மாதம் நடைபெற்ற முதல் சுற்று போட்டியில் தேசிய அளவில் பல்வேறு கல்லூரிகளிலிருந்து மாணவ மாணவிகள் கலந்து கொண்டனர். அவர்களில் ஆறு அணிகள் இறுதிப் போட்டிக்கு தேர்வாகினர். அந்த ஆறு அணிகளுள் கோயம்புத்தூர் ஶ்ரீ ராமகிருஷ்ணா மகளிர் கலை அறிவியல் கல்லூரியிலிருந்து இரண்டு அணிகள் இறுதிப் போட்டிக்கு தேர்வாகியிருந்தன.

அண்மையில் குன்னூரில் நடைபெற்ற இறுதிப் போட்டியில் Coimbatore ஶ்ரீ ராமகிருஷ்ணா மகளிர் கலை அறிவியல் கல்லூரியை சேர்ந்த மாணவிகளின் செயற்கை நுண்ணறிவை பயன்படுத்தி குப்பைகளை தரம் பிரிக்கும் திட்டமானது தேசிய அளவில் முதலிடத்தையும், திட்ட செயலாக்கத்திற்கான ஒரு லட்சம் ரூபாய் நிதியுதவியையும் பெற்றது. இந்த திட்டம் சுற்றுச்சூழல் பாதுகாப்பு மற்றும் தொழில்நுட்ப கண்டுபிடிப்புகளை இணைக்கும் வகையில் உருவாக்கப்பட்டுள்ளது.

வெற்றி பெற்ற மாணவிகளை SNR Sons அறக்கட்டளையின் நிர்வாக அறங்காவலர் Dr. Sundar Ramakrishnan மற்றும் கல்லூரி முதல்வர் Dr. K. Chithra ஆகியோர் வாழ்த்தி பாராட்டினர். கல்வியில் புதுமையான சிந்தனை மற்றும் தொழில்நுட்ப வளர்ச்சிக்கு இந்த வெற்றி ஒரு சிறந்த எடுத்துக்காட்டு என்று அவர்கள் குறிப்பிட்டனர்.