SSLC தேர்வு முடிவுகள் 2026: கொங்கு மண்டலத்தில் 97.09 சதவீதம் தேர்ச்சி விகிதத்துடன் கோவை முதலிடம்..!

கோவை: 2026 மார்ச்/ஏப்ரல் மாதங்களில் நடைபெற்ற தமிழ்நாடு எஸ்.எஸ்.எல்.சி பொதுத்தேர்வு முடிவுகள் இன்று வெளியிடப்பட்டன. இதில் புதுக்கோட்டை மாவட்டம் 97.57% தேர்ச்சி விகிதத்துடன் மாநில அளவில் முதலிடத்தைப் பெற்றது. சிவகங்கை 97.54 சதவீதம் தேர்ச்சியுடன் இரண்டாம் இடத்தையும், தஞ்சாவூர் 97.41 சதவீதம் தேர்ச்சியுடன் மூன்றாம் இடத்தையும் பிடித்தன.

கொங்கு மண்டல மாவட்டங்களில் கோவை மாவட்டம் 97.09 சதவீதம் தேர்ச்சி விகிதத்துடன் சிறப்பிடம் பிடித்து மாநில அளவில் 7-வது இடத்தை பெற்றுள்ளது. கோவை மாவட்டத்தில் தேர்வு எழுதிய 37,844 மாணவர்களில் 36,742 பேர் தேர்ச்சி பெற்றுள்ளனர்.

ஈரோடு மாவட்டம் 97.03 சதவீதம் தேர்ச்சி விகிதத்தையும், திருப்பூர் 96.28 சதவீதம் தேர்ச்சியையும் பதிவு செய்துள்ளது. நீலகிரி மாவட்டம் 96.32 சதவீதம் மற்றும் நாமக்கல் 96.01 சதவீதம் தேர்ச்சி விகிதத்தை பெற்றுள்ளன.

சேலம் மாவட்டம் 94.21 சதவீதம் தேர்ச்சியையும், தர்மபுரி மற்றும் கிருஷ்ணகிரி மாவட்டங்கள் முறையே 93.94 சதவீதம் மற்றும் 89.43 சதவீதம் தேர்ச்சி விகிதத்தையும் பதிவு செய்துள்ளன.

மாநிலம் முழுவதும் போலவே, கொங்கு மண்டல மாவட்டங்களிலும் மாணவிகள் தொடர்ந்து மாணவர்களை விட அதிக தேர்ச்சி விகிதம் பெற்று முன்னிலை வகித்துள்ளனர்.

தமிழகம் முழுவதும் இந்த ஆண்டு மொத்த தேர்ச்சி விகிதம் 94.31 சதவீதம் ஆக பதிவாகியுள்ளது. இதில் மாணவிகள் 96.47 சதவீதம் தேர்ச்சியும், மாணவர்கள் 92.15 சதவீதம் தேர்ச்சியும் பெற்றுள்ளனர்.