சிங்காநல்லூர் தொகுதி: மதசார்பற்ற முற்போக்கு கூட்டணி வேட்பாளர்க்கு ஆவாரம்பாளையத்தில் வாக்கு சேகரிப்பு

Coimbatore: மதசார்பற்ற முற்போக்கு கூட்டணியின் சார்பில் சிங்காநல்லூர் தொகுதியில் போட்டியிடும் வேட்பாளர் ஸ்ரீநிதி மோகனுக்கு ஆதரவாக இன்று ஆவாரம்பாளையம் பகுதியில் தீவிர வாக்கு சேகரிப்பு பணிகள் மேற்கொள்ளப்பட்டன. கை சின்னத்திற்கு வாக்களிக்குமாறு வாக்காளர்களிடம் வேண்டுகோள் விடுக்கப்பட்டது.








இந்த வாக்கு சேகரிப்பு பணியில் சிங்காநல்லூர் தொகுதி தகவல் தொழில்நுட்ப அணி ஒருங்கிணைப்பாளர் அன்சாரி, 28 இ வட்டக் கழக பொறுப்பாளர் பாலமுரளி கிருஷ்ணன், மகளிர் அணி அன்பரசி, ஆவாரம்பாளையம் பகுதி தகவல் தொழில்நுட்ப அணி பிரேம்குமார், அகமது பாஷா ஆகியோர் பங்கேற்றனர்.








மேலும் BLA-2, BLA-C, BDA மற்றும் தோழமைக் கட்சி நிர்வாகிகள் இந்த வாக்கு சேகரிப்பு பணியில் தீவிரமாக ஈடுபட்டனர். ஆவாரம்பாளையம் பகுதியை சேர்ந்த வாக்காளர் பெருமக்களை நேரில் சந்தித்து மதசார்பற்ற முற்போக்கு கூட்டணியின் கொள்கைகள் குறித்து விளக்கினர்.






வேட்பாளர் ஸ்ரீநிதி மோகனுக்கு ஆதரவாக பரவலாக வாக்கு சேகரிப்பு நடவடிக்கைகள் முழு வீச்சில் நடைபெற்று வருவதாக கட்சி நிர்வாகிகள் தெரிவித்தனர். தேர்தல் நாளில் கை சின்னத்திற்கு அதிக வாக்குகள் பெற்று வெற்றி பெறுவோம் என்ற நம்பிக்கை தெரிவிக்கப்பட்டது.