தமிழ்ப் புத்தாண்டு: மருதமலை கோயிலுக்கு காா் தடை; பேருந்து சேவை அனுமதி

Coimbatore: தமிழ்ப் புத்தாண்டு கொண்டாட்டங்களை முன்னிட்டு, கோவை மருதமலை சுப்பிரமணிய சுவாமி திருக்கோயிலுக்கு வருகிற ஏப்ரல் 14-ஆம் தேதி நான்கு சக்கர வாகனங்களில் செல்வதற்கு தடை விதிக்கப்பட்டுள்ளது என மாவட்ட ஆட்சியர் அலுவலகம் நேற்று அறிவித்துள்ளது.




தமிழ்ப் புத்தாண்டு தினத்தன்று மருதமலை கோயிலுக்கு அதிக அளவிலான பக்தர்கள் வருகை தருவார்கள் என எதிர்பார்க்கப்படுவதால், பாதுகாப்பு மற்றும் நெரிசலைத் தவிர்க்கும் நோக்கில் இந்த முடிவு எடுக்கப்பட்டுள்ளது. பக்தர்கள் மலைப்படிகள் வழியாக நடந்து செல்லவோ அல்லது கோயில் நிர்வாகத்தால் இயக்கப்படும் பேருந்துகள் மூலமோ மலைக்கோயிலுக்குச் சென்று தரிசனம் செய்து கொள்ளலாம்.




மருதமலை சுப்பிரமணிய சுவாமி கோயில் துணை ஆணையர் கா.விமலா தலைமையில் தமிழ்ப் புத்தாண்டு விழாவுக்கான ஏற்பாடுகள் தீவிரமாக மேற்கொள்ளப்பட்டு வருகின்றன. பக்தர்களின் சுமூகமான தரிசனத்திற்கு அனைத்து வசதிகளும் செய்யப்பட்டு வருவதாக கோயில் நிர்வாகம் தெரிவித்துள்ளது.




தமிழ்ப் புத்தாண்டு தினத்தன்று மலைக்கோயிலில் சிறப்பு பூஜைகள் நடத்தப்படும் என எதிர்பார்க்கப்படுகிறது. பக்தர்கள் ஒத்துழைப்புடன் செயல்பட்டு, கோயில் நிர்வாகம் மற்றும் பாதுகாப்பு அதிகாரிகளின் வழிகாட்டுதல்களைப் பின்பற்றுமாறு கேட்டுக் கொள்ளப்பட்டுள்ளனர்.