மறுமலர்ச்சி திராவிட முன்னேற்றக் கழகத்தின் பொதுச்செயலாளர் வைகோவின் 81வது பிறந்தநாளை முன்னிட்டு திருப்பூரில் கட்சியின் இளைஞர் அணி சார்பில் 81 பேர் ரத்த தானம் செய்தனர். இந்நிகழ்வு திருப்பூர் அரசு மருத்துவக் கல்லூரி மருத்துவமனையில் நடைபெற்றது.
Coimbatore: மறுமலர்ச்சி திராவிட முன்னேற்றக் கழகத்தின் பொதுச்செயலாளர் வைகோவின் 81வது பிறந்தநாளை முன்னிட்டு திருப்பூரில் கட்சியின் இளைஞர் அணி சார்பில் ரத்த தான முகாம் நடத்தப்பட்டது. இந்நிகழ்வு திருப்பூர் தாராபுரம் சாலையில் உள்ள அரசு மருத்துவக் கல்லூரி மருத்துவமனையில் நடைபெற்றது.
கோவை மண்டல இளைஞர் அணி சார்பில் மாநில இளைஞரணி துணைச் செயலாளர் ரத்தினசாமி தலைமையில் இந்த ரத்ததான முகாம் நடைபெற்றது. இந்நிகழ்வில் மறுமலர்ச்சி திராவிட முன்னேற்றக் கழகத்தின் மாநகர் மாவட்ட செயலாளர் நாகராஜ், தெற்கு மாவட்ட செயலாளர் தமிழரசு ஆகியோர் கலந்துகொண்டு ரத்ததான முகாமை துவக்கி வைத்தனர்.
வைகோவின் 81வது பிறந்தநாளைக் குறிக்கும் வகையில் 81 பேர் ரத்த தானம் செய்தனர். இந்நிகழ்வில் இளைஞர் அணியின் திருப்பூர் வடக்கு மாவட்ட அமைப்பாளர் தமிழ்செல்வன் தலைமையில் ஏராளமான மறுமலர்ச்சி திராவிட முன்னேற்றக் கழகத்தின் நிர்வாகிகள் கலந்து கொண்டு ரத்த தானம் செய்தனர்.
மறுமலர்ச்சி திராவிட முன்னேற்றக் கழகத்தினர் வைகோவின் பிறந்தநாள் விழாவை வெகு விமரிசையாக கொண்டாடி வருகின்றனர். இந்த ரத்த தான முகாம் அவரது பிறந்தநாளை கொண்டாடும் வகையில் ஏற்பாடு செய்யப்பட்டதாக கட்சி நிர்வாகிகள் தெரிவித்தனர்.