பிரதமர் நரேந்திர மோடியின் 74வது பிறந்தநாளை முன்னிட்டு, மேட்டுப்பாளையத்தில் இலவச மருத்துவ மற்றும் கண் பரிசோதனை முகாம் நடைபெற்றது. மத்திய இணை அமைச்சர் எல். முருகன் முகாமை தொடங்கி வைத்தார்.
கோவை: பிரதமர் நரேந்திர மோடியின் 74வது பிறந்தநாளை முன்னிட்டு கோவை மாவட்டம் மேட்டுப்பாளையத்தில் இலவச மருத்துவ முகாம் நடைபெற்றது. இந்த முகாமை மத்திய இணை அமைச்சர் எல். முருகன் தொடங்கி வைத்தார்.
மேட்டுப்பாளையத்தில் உள்ள ஹிந்துஸ்தான் மருத்துவமனை மற்றும் ஐ பவுண்டேஷன் கண் மருத்துவமனை இணைந்து இந்த இலவச பொது மற்றும் கண் பரிசோதனை மருத்துவ முகாமை ஏற்பாடு செய்திருந்தன.
முகாமை தொடங்கி வைத்த பின்னர், மத்திய இணை அமைச்சர் எல். முருகன் அங்கிருந்த மருத்துவர்களிடம் மருத்துவ பரிசோதனை குறித்து கேட்டறிந்தார்.
மேலும், அவரும் கண் பரிசோதனை செய்து கொண்டார்.
முகாமில் பங்கேற்ற பொதுமக்களிடமும் அமைச்சர் மருத்துவ பரிசோதனை குறித்து கேட்டறிந்தார். இந்த முகாம் மூலம் பல மக்கள் பயனடைந்தனர்.