குனியமுத்தூரில் பார்க் அவென்யூ பூங்காவில் யோகா மற்றும் கராத்தே பயிற்சி வகுப்புகள் தொடக்கம்

Coimbatore: குனியமுத்தூர் 87வது வார்டுக்கு உட்பட்ட பார்க் அவென்யூ பூங்காவில் யோகா மற்றும் கராத்தே பயிற்சி வகுப்புகளின் தொடக்க விழா நிகழ்ச்சி மிகச்சிறப்பாக நடைபெற்றது. இந்த நிகழ்ச்சி செப்டம்பர் 7ஆம் தேதி மாலை 5 மணிக்கு தொடங்கியது.

நிகழ்ச்சிக்கு பார்க் அவென்யூ சங்கத் தலைவர் திரு. சாமுவேல் ஞான கடாட்சம் தலைமை வகித்தார். சாய் கார்டன் குடியிருப்பு சங்கத் தலைவரும், ஒன்றிணைந்த சங்கத்தின் துணைத் தலைவருமான திரு. ஷரீப் அறிமுக உரையாற்றி வரவேற்றார்.



காவல் உதவி ஆணையர் திரு. அஜய் தங்கம் மற்றும் 87வது வார்டு கூட்டமைப்பின் பொதுச் செயலாளர் திரு. சதாசிவம் ஆகியோர் சிறப்புரை வழங்கினர். அன்னமா நாயக்கர் வீதி ஒன்றிணைந்த குடியிருப்பு சங்கத்தின் தலைவர் திரு. அப்துல் ஹக்கீமும் உரையாற்றினார்.

நிகழ்ச்சியில் சிறப்பு விருந்தினர்களுக்கு சால்வை அணிவித்து கௌரவிக்கப்பட்டது. குனியமுத்தூர் காவல் ஆய்வாளர் திரு. பாஸ்கரனும் கலந்து கொண்டார். தேநீர் மற்றும் சிற்றுண்டி வழங்கும் பொறுப்பை திரு. ஹக்கீம் ஏற்றுக்கொண்டார்.



பார்க் அவென்யூ குடியிருப்பு சங்க அமைப்பாளர் திரு. இக்பால் நன்றியுரை வழங்கினார். யோகா மற்றும் கராத்தே பயிற்சி வகுப்புகளுக்கு திரு. சரீப் (தொடர்பு எண்: 9043997132) பயிற்சியாளராக இருப்பார் என அறிவிக்கப்பட்டது.



இந்த தொடக்க விழா நிகழ்ச்சியில் பங்கேற்ற அனைவருக்கும் அன்னமா நாயக்கர் வீதி ஒன்றிணைந்த குடியிருப்பு சங்கத்தின் தலைவர் திரு. அப்துல் ஹக்கீம் நன்றி தெரிவித்தார்.