முகநூலில் மத அவதூறு கருத்து: இந்து மக்கள் கட்சி மாநில செயலாளர் மீது வழக்கு

கோவை: கோவை மாநகர பகுதியில் முகநூல் பதிவுகளில் அவதூறு கருத்துகள் வெளியிடப்பட்டால் அது குறித்து நடவடிக்கை எடுக்க மாநகர காவல் ஆணையர் உத்தரவிட்டுள்ளார்.

இந்த உத்தரவின் அடிப்படையில், சிங்காநல்லூர் காவல் துணை ஆய்வாளர் குறளரசன் முகநூல் கணக்குகளை ஆய்வு செய்தார். அப்போது, கோவையைச் சேர்ந்த தமிழக இந்து மக்கள் கட்சி மாநில செயலாளர் காலனி ராமகிருஷ்ணன் என்பவர் இரு மதங்களுக்கு இடையே பிரச்சனை ஏற்படும் வகையில் கருத்துக்களைப் பதிவு செய்திருந்தது கண்டறியப்பட்டது. இந்தப் பதிவுகள் இரு தரப்பினரிடையே பிரச்சனையை ஏற்படுத்தக்கூடும் என காவல்துறையினர் கருதினர்.

இது தொடர்பாக, சிங்காநல்லூர் காவல் துணை ஆய்வாளர் குறளரசன் சிங்காநல்லூர் காவல் நிலையத்தில் புகார் அளித்தார். இந்தப் புகாரின் அடிப்படையில், காவல்துறையினர் தமிழக இந்து மக்கள் கட்சி மாநில செயலாளர் காலனி ராமகிருஷ்ணன் மீது வழக்குப் பதிவு செய்துள்ளனர். தற்போது இந்த வழக்கு தொடர்பான விசாரணை நடைபெற்று வருகிறது.