கோவை வெள்ளமடையில் 'மக்களுடன் முதல்வர்' திட்டத்தை தொடங்கி வைத்தார் தொ.ரவி

Coimbatore: கோவை மாவட்டம், சர்க்கார் சாமகுளம் ஒன்றியம், வெள்ளமடை ஊராட்சியில் 'மக்களுடன் முதல்வர்' திட்டத்தை கோவை வடக்கு மாவட்ட திமுக செயலாளர் தொண்டாமுத்தூர் ரவி இன்று (ஆகஸ்ட் 1) துவக்கி வைத்தார்.

இந்நிகழ்ச்சியில் ஒன்றிய கழக செயலாளர் S.P.சுரேஷ், தலைமை செயற்குழு உறுப்பினர் T.P.சுப்பிரமணியன், மாவட்ட கழக துணை செயலாளர் அசோக் பாபு ஆறுகுட்டி, ஊராட்சி மன்ற துணை தலைவர் கணேசன், மாவட்ட கவுன்சிலர் அபிநயா ஆகியோர் கலந்து கொண்டனர்.



மேலும், கீரணத்தம் ஊராட்சி மன்ற தலைவர் ராசு (எ) பழனிச்சாமி, வெள்ளாளப்பட்டி ஊராட்சி மன்ற தலைவர் கவிதா, இலக்கிய அணி மாணிக்கராஜ் மற்றும் ஊராட்சி மன்ற உறுப்பினர்கள் கலந்து கொண்டனர்.

இந்த நிகழ்ச்சியில் கழக நிர்வாகிகள் மற்றும் பொதுமக்கள் திரளாக பங்கேற்றனர். 'மக்களுடன் முதல்வர்' திட்டம் மூலம் மக்களின் குறைகளை நேரடியாக கேட்டறிந்து, அவற்றை நிவர்த்தி செய்வதற்கான நடவடிக்கைகள் மேற்கொள்ளப்படும் என்று எதிர்பார்க்கப்படுகிறது.



இந்த திட்டம் தமிழக அரசின் முக்கிய திட்டங்களில் ஒன்றாக கருதப்படுகிறது. இதன் மூலம் அரசு திட்டங்கள் மக்களை வேகமாக சென்றடையும் என்றும், மக்களின் குறைகள் விரைவாக தீர்க்கப்படும் என்றும் நம்பப்படுகிறது.