கோவை மாவட்டத்தில் சராசரியாக 68.50 மி.மீ மழை பதிவு: பேரிடர் மேலாண்மை துறை அறிக்கை

Coimbatore: கோவை மாவட்டத்தில் நேற்று முதல் இன்று காலை வரை பெய்த மழை அளவு விவரத்தை பேரிடர் மேலாண்மை துறை இன்று (ஜூலை 30) வெளியிட்டுள்ளது. இந்த அறிக்கையின்படி, கடந்த 24 மணி நேரத்தில் கோவை மாவட்டத்தில் சராசரியாக 68.50 மி.மீ மழை பதிவாகியுள்ளது.

மாவட்டத்தின் பல்வேறு பகுதிகளில் பதிவான மழை அளவுகள் பின்வருமாறு: வேளாண் பல்கலைக்கழகம் - 15.60 மி.மீ, பெரியநாயக்கன்பாளையம் - 2 மி.மீ, மேட்டுப்பாளையம் - 21 மி.மீ, பில்லூர் அணை - 13 மி.மீ, அன்னூர் - 1.40 மி.மீ, கோவை தெற்கு - 5.60 மி.மீ, சூலூர் - 9 மி.மீ, வாரப்பட்டி - 6 மி.மீ, தொண்டாமுத்தூர் - 48 மி.மீ, சிறுவாணி அடிவாரம் - 85 மி.மீ.

மேலும், மதுக்கரை தாலுக்கா - 17 மி.மீ, போத்தனூர் ரயில் நிலையம் - 15 மி.மீ, பொள்ளாச்சி தாலுக்கா - 84 மி.மீ, மாக்கினாம்பட்டி - 19 மி.மீ, கிணத்துக்கடவு - 19 மி.மீ, ஆனைமலை - 38 மி.மீ, ஆழியார் - 61 மி.மீ ஆகிய பகுதிகளிலும் மழை பதிவாகியுள்ளது.

குறிப்பிடத்தக்க வகையில், மலைப்பகுதிகளான சின்கோனா - 232 மி.மீ, சின்னக்கல்லாறு - 239 மி.மீ, வால்பாறை பிஏபி - 194 மி.மீ, வால்பாறை தாலுக்கா - 192 மி.மீ, சோலையாறு - 185 மி.மீ என அதிக அளவில் மழை பதிவாகியுள்ளது. இவற்றில் சின்னக்கல்லாறு பகுதியில் அதிகபட்சமாக 239 மி.மீ மழை பதிவாகியுள்ளது குறிப்பிடத்தக்கது.