உடுமலையில் வனத்துறை சார்பில் இலவச மருத்துவ முகாம்: வன ஊழியர்கள் பங்கேற்பு

Coimbatore: திருப்பூர் மாவட்டம் ஆனைமலை புலிகள் காப்பகத்தின் உடுமலை வனசரக அலுவலகத்தில் வனத்துறை ஊழியர்களுக்கான இலவச மருத்துவ முகாம் நடைபெற்றது. இந்த முகாம் கள இயக்குனர் ராமசுப்பிரமணியம் ஆலோசனைப்படியும், துணை இயக்குனர் தேவேந்திர குமார் மீனா முன்னிலையிலும் நடத்தப்பட்டது.

இந்த மருத்துவ முகாமில், வனப் பணியாளர்களுக்கு உயர் ரத்த அழுத்தம், சர்க்கரை அளவு மற்றும் கண், பல் தொடர்பான பல்வேறு சிகிச்சைகள் மற்றும் பரிசோதனைகள் மேற்கொள்ளப்பட்டன. பொது மருத்துவர், கண் மருத்துவர், பல் மருத்துவர் உட்பட 5க்கும் மேற்பட்ட சிறப்பு மருத்துவர்கள் இந்த முகாமில் பங்கேற்றனர்.



உடுமலை வனச்சரகர் மணிகண்டன், மருத்துவர்கள் மற்றும் உடுமலை, திருப்பூர் வனக்கோட்டத்தில் உள்ள வன ஊழியர்கள், வனக்காப்பாளர்கள் பலரும் இந்த இலவச மருத்துவ முகாமில் கலந்து கொண்டனர். இந்த முயற்சி வனத்துறை ஊழியர்களின் உடல்நலத்தை மேம்படுத்துவதற்கும், அவர்களுக்கு தேவையான மருத்துவ சேவைகளை வழங்குவதற்கும் உதவியது.