மத்திய அரசின் புதிய சட்டப் பெயர் மாற்றத்திற்கு எதிர்ப்பு: கோவை ரயில் நிலையம் முன் வழக்கறிஞர்கள் போராட்டம்

கோவை: மத்திய அரசு சமீபத்தில் கொண்டு வந்துள்ள மூன்று முக்கிய சட்டங்களின் பெயர் மாற்றத்திற்கு எதிர்ப்பு தெரிவித்து, கோவை ரயில் நிலையம் முன்பு வழக்கறிஞர்கள் போராட்டத்தில் ஈடுபட்டனர். இந்திய தண்டனைச் சட்டம், இந்தியக் குற்றவியல் சட்டம் மற்றும் சாட்சிகள் சட்டம் ஆகிய மூன்று சட்டங்களின் பெயர்களை மாற்றி நீதிமன்றங்களில் நடைமுறைப்படுத்தியதை கண்டித்து இந்த போராட்டம் நடைபெற்றது.



போராட்டத்தில் ஈடுபட்ட வழக்கறிஞர்கள், புதிய சட்டங்களின் பெயர்களை திரும்பப் பெற வேண்டும் என்று வலியுறுத்தினர். இந்த சட்ட மாற்றங்களால் பொதுமக்கள் அதிகளவில் பாதிக்கப்படுவார்கள் என்று அவர்கள் கருத்து தெரிவித்தனர். குறிப்பாக, கைதிகளின் பாதுகாப்பு குறித்த கவலைகளையும் அவர்கள் எழுப்பினர்.



வழக்கறிஞர்கள் ரயில் நிலையத்திற்குள் செல்லாதவாறு தடுப்புகள் அமைக்கப்பட்டிருந்தன. பாதுகாப்பு கருதி போலீசார் அங்கு நிறுத்தப்பட்டிருந்தனர். போராட்டத்தில் பங்கேற்ற வழக்கறிஞர்கள், ஒருவரை கைவிலங்கு மாட்டி அழைத்துச் செல்வது மிகவும் வேதனையான விஷயம் என்றும், அதனை மத்திய அரசு அமல்படுத்தியது கண்டிக்கத்தக்கது என்றும் தெரிவித்தனர்.