தென்னக ரயில்வேவின் புதிய மக்கள் தொடர்பு அதிகாரியாக ஸ்ரீ எம்.செந்தமிழ் செல்வன் இன்று பதவியேற்பு

கோவை: தென்னக ரயில்வே நிர்வாகம் இன்று (ஏப்ரல்.4) வெளியிட்டுள்ள செய்தி குறிப்பில், தென்னக ரயில்வேயின் புதிய தலைமை மக்கள் தொடர்பு அதிகாரியாக, தென்னக ரயில்வேயின் துணை பொது மேலாளராக இடமாற்றம் செய்யப்பட்ட ஸ்ரீ எம்.செந்தமிழ் செல்வன் இன்று (ஏப்ரல்.4) பதவியேற்றார்.

ஸ்ரீ எம்.செந்தமிழ் செல்வன், தலைமை மக்கள் தொடர்பு அதிகாரியாக பதவியேற்கும் முன், தெற்கு ரயில்வேயின் பொது மேலாளரின் துணைப் பொது மேலாளர் (ஒருங்கிணைப்பு) மற்றும் செயலாளராக இருந்தார்.

ஸ்ரீ செந்தமிழ் செல்வன், கொல்கத்தாவில் உள்ள இன்ஸ்டிடியூட் ஆஃப் இன்ஜினியர்ஸ் இல் எலக்ட்ரிக்கல் இன்ஜினியரிங் பட்டம் பெற்றார் மற்றும் அண்ணா பல்கலைக்கழகத்தின் கிண்டி பொறியியல் கல்லூரியில் பொறியியல் துறையில் முதுகலைப் பட்டம் பெற்றார்.

அவர் UPSC மூலம் இந்திய ரயில்வேயில் சேர்ந்தார். டெரிடோரியல் ஆர்மியின் லெப்டினன்ட் அதிகாரியாக நியமிக்கப்பட்டார். IRSEE (இந்திய ரயில்வே சர்வீஸ் ஆஃப் எலக்ட்ரிக்கல் இன்ஜினியர்ஸ்) 2007 யூபிஎஸ்சி தொகுப்பைச் சேர்ந்த ஸ்ரீ செந்தமிழ் தெற்கு ரயில்வேயில் அரக்கோணம் மற்றும் ராயபுரம் எலக்ட்ரிக்கல் லோகோமோட்டிவ் ஷெட்களின் சீனியர் கோட்ட மின் பொறியாளர் உட்பட பல்வேறு பதவிகளை வகித்துள்ளார். மேலும் ஜப்பான் சர்வதேச கூட்டுறவு ஏஜென்சி (JICA) ஏற்பாடு செய்துள்ள ஜப்பானில் அதிவேக ரயில் பயிற்சியையும் அவர் பெற்றுள்ளார்.