கோவை சீர்மிகு நகரத் திட்டப்பணிகளை ஆய்வு செய்த மாநகராட்சி ஆணையாளார்

கோவை: கோவை மாநகராட்சி முழுக்க நகரத் திட்டப்பணிகள் நடைப்பெற்று வருகின்றன. அதில் உக்கடம் பெரியகுளத்தில் நடைபெறும் நகரத் திட்டப்பணியின் மதிப்பீடானது ரூ.62.17 கோடி ஆகும். இப்பணியை இன்று கோவை மாநகராட்சி ஆணையாளர் மு.பிரதாப் இ.ஆ.ப., அவர்கள். நேரில் சென்று பார்வையிட்டார்.



இந்நலத் திட்டத்தில் மிதிவண்டி பாதை (Cycle Track), பறவைகளை பார்வையிடுவதற்காக அமைக்கப்பட்டுள்ள பர்வையாளர் மாடம் (Birds Watching Tower), கற்றல் மையம் (Learning Tower), அனுபவ மையம் (Experiance centre), Ghat plaza, நீர் திரையில் ஒலி, ஒளி காட்சி ஆகியவை அமையவுள்ளன இவற்றை நேரில் பார்வையிட்ட கோவை மாநகராட்சி ஆணையாளர் கட்டுமானப்பணிகளை விரைவாக செய்து முடிக்க உத்தரவிட்டார்.



உக்கடம் பெரியகுளத்தில் நடைபெற்றுவரும் கட்டுமானப்பணியில் தற்போது பணிபுரியும் பணியாளர்களின் எண்ணிக்கையை இருமடங்காக உயர்த்தி, பணியினை விரைவாகவும், தரமாகவும் செய்து முடித்து பயன்பாட்டிற்கு கொண்டுவர வேண்டும் என்றார். மேலும், கற்றல் மையம், அனுபவ மையங்களில் நீர்மேலாண்மை, சுற்றுச்சூழல், உள்நாடு மற்றும் வெளிநாடு பறவைகள் குறித்து தகவல்கள், கோவை மாவட்டத்தில் உள்ள சுற்றுலாத்தளங்கள் உள்ளிட்ட பல்வேறு வகையான தகவல்களையும் 3D வடிவில் அமைக்கப்பட்டுள்ள இடத்தை பார்வையிட்டு ஆய்வு செய்தனர்.



இந்த ஆய்வின்போது மாநகரப்பொறியாளர் அரசு, செயற்பொறியாளர் முருகேசன், உதவி செயற்பொறியாளர் பி.உமாதேவி, உதவிபொறியாளர் சரவணக்குமார் மற்றும் மாநகராட்சி அலுவலர்கள் உடனிருந்தார்கள்.