பல்கலைக்கழக துணை வேந்தர் கீதாலட்சுமி தரவரிசை பட்டியலை இன்று வெளியிட்டார். அதில், 200 க்கு 200க்கு மதிப்பெண்களை 7 பேர், 199.5 மதிப்பெண்களை 14 பேரும், 199 மதிப்பெண்களை 3 பேர் பெற்றுள்ளதாக அறிவிக்கப்பட்டுள்ளது.
கோவை: கோவை தமிழ்நாடு வேளாண்மை பல்கலைக்கழகத்தில் இளம் அறிவியல் பாடத்திற்கான தரவரிசை பட்டியல் வெளியிடப்பட்டுள்ளது. பல்கலைக்கழக துணை வேந்தர் கீதாலட்சுமி தரவரிசை பட்டியலை இன்று வெளியிட்டார்.
கோவை தமிழ்நாடு வேளாண்மை பல்லைக்கழகத்தில் 12 இளநிலை பட்டப்படிப்புகள், 14 அரசு கல்லூரிகள் மற்றும் 28 இணைப்பு கல்லூரிகளில் வழங்கப்படுகிறது. இதற்கு 2022-23ம் கல்வியாண்டில் இளம் அறிவியல் பாடப்பிரிவுகளுக்கு கடந்த ஜூன் மாதம் முதல் ஆன்லைன் மூலம் விண்ணப்பங்கள் வரவேற்கப்பட்டன.
நடப்பாண்டில், வேளாண் பல்கலைக்கழக உறுப்பு கல்லூரிகளில் 2 ஆயிரத்து 148 இடங்களும், இணைப்பு கல்லூரிகளில் 2 ஆயிரத்து 337 இடங்களும் உள்ளன. இதற்கு மொத்தம் 37 ஆயிரத்து 766 மாணவ, மாணவிகள் விண்ணப்பித்துள்ளனர். இதில், வெளிமாநிலத்தை சேர்ந்த 800 பேர் விண்ணப்பித்துள்ளனர்.
இந்நிலையில், பல்கலைக்கழக துணை வேந்தர் கீதாலட்சுமி தரவரிசை பட்டியலை இன்று வெளியிட்டார். அதில், 200 க்கு 200க்கு மதிப்பெண்களை7 பேர் பெற்றுள்ளனர்.199.5 மதிப்பெண்கள்- 14 பேர். 199 மதிப்பெண்கள் - 3 பேர் என்று அறிவிக்கப்பட்டுள்ளது.
ஜி.கோபி, ஆர். சுபஸ்ரீ, கார்த்திக் ராஜா, தாரணி செங்கோட்டவேலு, முத்துபாண்டி, ஹரிணிகா., ராஜா ஐஸ்வரியா காமாட்சி ஆகிய 7 பேர் முதல் மதிப்பெண் பெற்றுள்ளனர்.
ஆன்லைன் கலந்தாய்வு மருத்துவ கலந்தாய்வு முடிந்த பின்பு நடத்தப்படும் என்றும் ஆன்லைன் கலந்தாய்வில் கலந்துகொண்டவர்கள் சான்றிதழ் சரிபார்ப்பிற்காக நேரில் வரவேண்டும் என்று அறிவிக்கப்பட்டுள்ளது.
